ରାୟଗଡ,୨୮/୬- ରାୟଗଡା ସହର ସ୍ଥିତ ମା ମଝିଘରିଆଣି ମନ୍ଦିର ବ୍ରିଜ ନିକଟରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଘଟଣା ସ୍ଥଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ୬ ଜଣ ଗୁରୁତର ହୋଇଛନ୍ତି । ଆଜି ବୈରାଗୀ ହାଲୁଆ ପଞ୍ଚାୟତ ଉମରବାଲି ଗ୍ରାମର ସନ୍ତୋଷ ତାଡିଙ୍ଗି ଓ ରାଇସିଙ୍ଗ ତାଡିଙ୍ଗି ନିଜ ଦୁଇ ଝିଅଙ୍କ ସହିତ ଏକ ସ୍କୁଟି ଯୋଗେ ମାଲିଗାଁ ଆଶ୍ରମ ସ୍କୁଲରେ ଏଡମିଶନ ପାଇଁ ଆସିଥିଲେ । ଏଡମିଶନ କାମ ସାରି ସ୍କୁଟି ଯୋଗେ ଅପରାହ୍ନରେ ଉମରବାଲି ଗ୍ରାମକୁ ଫେରୁଥିବା ବେଳେ ମଝିଘରିଆଣୀ ମନ୍ଦିର ବ୍ରିଜ ନିକଟରେ ବିପରୀତ ଦିଗରୁ ଆସୁଥିବା ଏକ ଟ୍ରକ ସହିତ ମୁଁହା ମୁହିଁ ଧକ୍କା ହୋଇଥିଲା । ଘଟଣା ସ୍ଥଳରେ ୬ ବର୍ଷର ଝିଅ ଇନ୍ଦୁ ତାଡିଙ୍ଗୀଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ୩ଜଣ ଗୁରୁତର ହୋଇଥିଲେ । ଘଟଣା ସ୍ଥଳରେ ପୋଲିସ ପହଞ୍ଚି ଶବକୁ ଜବତ କରିବା ସହ ଗୁରୁତରଙ୍କୁ ରାୟଗଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛି । ବର୍ତ୍ତମାନ ପୋଲିସ ଘଟଣାର ତଦନ୍ତ ଆରମ୍ଭ କରିଥିବା ଜଣାପଡିଛି ।
