ଜଳେଶ୍ୱର: ବାଲେଶ୍ୱର ଜିଲ୍ଲା ୬୦ ନମ୍ବର ଜାତୀୟ ରାଜପଥର ନିଧିପଣ୍ଡା ଓଭରବ୍ରିଜ ନିକଟରେ ଆଜି ଏକ ମର୍ମନ୍ତୁଦ ଦୁର୍ଘଟଣା ଘଟିଛି । ଏଥିରେ ମାଆଝିଅଙ୍କ ଜୀବନ ଯାଇଥିବା ବେଳେ ବାପାପୁଅ ଗୁରୁତର ଭାବେ ଆହତ ହୋଇଛନ୍ତି । ଗୁରୁତରଙ୍କୁ ବାଲେଶ୍ୱର ସ୍ଥାନାନ୍ତର କରାଯାଇଛି । ସୂଚନା ଅନୁସାରେ, ଏକ ବାଇକରେ ବାଲେଶ୍ୱର ଟୁଲଙ୍ଗ ସାହିର ରେଣୁକା ମହାପାତ୍ର (୩୩) ତାଙ୍କ ସ୍ୱାମୀ ମଣ୍ଟୁ ମହାପାତ୍ର ଏବଂ ପୁଅ ସୈାରଭ ମହାପାତ୍ର ଓ ଝିଅ ରୂପାଲି ମହାପାତ୍ର (୧୩) ସୋମବାର ରୂପସା ଥାନା ଅନ୍ତର୍ଗତ ଜମୁନିଆ ଶ୍ୱଶୁର ଘର ଫେରୁଥିବା ବେଳେ ନିଧିପଣ୍ଡା ବ୍ରିଜ ନିକଟରେ ଏକ ଟ୍ରକ ତାଙ୍କ ଉପରକୁ ମାଡିଯାଇଥିଲା ।
ଘଟଣାସ୍ଥଳରେ ମାଆ ଏବଂ ଝିଅ ପ୍ରାଣ ହରାଇ ଥିବା ବେଳେ ବାପ-ପୁଅ ଗୁରୁତର ହୋଇଛନ୍ତି । ଘଟଣାସ୍ଥଳରେ ସଦର ଥାନା ପୋଲିସ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଜାରି ରଖିଛି । ତେବେ ଦୁର୍ଘଟଣା ଘଟାଇଥିବା ଟ୍ରକଟି ଫେରାର ହୋଇଯାଇଛି ।
