ବୌଦ୍ଧ/ଜହ୍ନାପଙ୍କ,୪/୭- ବୌଦ୍ଧ ବନଖଣ୍ଡ ଅନ୍ତର୍ଗତ ଖଜୁରୀପଡ଼ା ସେକ୍ସସନ ନାଗାର୍ଜୁନ ସଂରକ୍ଷିତ ଜଙ୍ଗଲରେ ୭୨ ତମ ବନମହୋତ୍ସବ ଅବସରରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ରେଞ୍ଜର ପ୍ରଦୀପ ବେହେରା ବୃକ୍ଷରୋପଣ କାର୍ଯ୍ୟକ୍ରମକୁ ଉଦଘାଟନ କରି ପ୍ରଥମେ ବୃକ୍ଷ ରୋପଣ କରିଥିଲେ । ଫରେଷ୍ଟର ଅଭି ମହାନ୍ତି, ବ୍ରାହ୍ମଣୀପାଲି ସରପଞ୍ଚ ସୁଷମା ବାଘ, ସାମ୍ବାଦିକ ସତ୍ୟନାରାୟଣ ପାଣି,ସୀତାକାନ୍ତ ସିଂ, ଶ୍ରୀକାନ୍ତ ସାହୁ,ନବ କିଶୋର ମେହେର, ସୁଧାଂଶୁ ଶେଖର ମିଶ୍ର ପ୍ରମୁଖ ବୃକ୍ଷ ରୋପଣ କରିଥିଲେ । ଏହି ବନମହୋତ୍ସବ ସପ୍ତାହରେ କରଞ୍ଜ, ଜାମ୍ବୁ, ଖଇର, ଅସନ, ପିଆଶାଳ, ଧଉରା ଆଦି ବୃକ୍ଷ ରୋପଣ କରାଯିବ ବୋଲି ରେଞ୍ଜର ପ୍ରକାଶ କରିଥିଲେ । କାର୍ଯ୍ୟକ୍ରମରେ ସମସ୍ତ ବନ କର୍ମଚାରୀ ସମେତ ବିଭିନ୍ନ ବନ ସୁରକ୍ଷା ସମିତିର କର୍ମକର୍ତ୍ତା ଓ ସଭ୍ୟ ସଭ୍ୟା ସହଯୋଗ କରିଥିଲେ ।
