ବଲାଙ୍ଗିର : ଅଲ୍ ଇଣ୍ଡିଆ କଂଗ୍ରେସ କମିଟି ଡାକରାରେ ଦେଶରେ ତେଲ ଦର ବୃଦ୍ଧି ପ୍ରତିବାଦରେ ପୁଇଁତଲା ବ୍ଳକ କଂଗ୍ରେସ କମିଟି ତରଫରୁ ବ୍ଳକ କାର୍ଯ୍ୟାଳୟ ଘେରାଉ କରାଯାଇଥିଲା । ବ୍ଳକ କଂଗ୍ରେସ ସଭାପତି ଉମାକାନ୍ତ ସାହୁଙ୍କ ନେତୃତ୍ୱରେ ବହୁ କର୍ମକର୍ତ୍ତା ଯୋଗଦାନ କରି ନାରାବାଜି କରିବା ସହ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କୁ ଦାୟୀ କରିଥିଲେ । ଜିଲ୍ଲା କଂଗ୍ରେସ ସଭାପତି ଦିଲିପ ବେହେରା, ଉପସଭାପତି ମନୀସ ମିଶ୍ର, ଜିଲ୍ଲା କିଷାନ କଂଗ୍ରେସ ସଭାପତି ସାନନ୍ଦ ମିଶ୍ର ଓ ଅନ୍ୟାନ୍ୟ ନେତା ଶହେ ଟଙ୍କା ଟପିଛି ପେଟ୍ରୋଲ ଦିନକୁ ଦିନ ବଢୁଛି ଡିଜେଲ ଦର କିନ୍ତୁ ସରକାର ନିଦାବିଷ୍ଣୁ । ମହାମାରୀ ଯୋଗୁଁ ପ୍ରତ୍ୟେକ ବର୍ଗର ଲୋକଙ୍କ ଆୟରେ ମାଡ ଖାଇଛି । ଏତିକି ବେଳେ ତୈଳ ଦରବୃଦ୍ଧି ବାଧୁଛି କିନ୍ତୁ ରାଜ୍ୟ ଓ କେନ୍ଦ୍ର ସରକାର ଟ୍ୟାକ୍ସ ମୋହ ଛାଡି ପାରୁନାହାନ୍ତି । ଆହୁରି ଦୁଃଖର ବିଷୟ କେନ୍ଦ୍ର ରାଜ୍ୟକୁ ଓ ରାଜ୍ୟ କେନ୍ଦ୍ରକୁ ଦୋଷ ଦେବା ସହ ଟ୍ୟାକ୍ସ୍ କମାଇବା ପରାମର୍ଶ ଦେଉଛନ୍ତି । ମନକି ବାତ୍ ନୁହେଁ ତେଲ ଦାମ୍ କି ବାଦ ଲୋକଙ୍କ ଦରକାର ବୋଲି ସମାଲୋଚନା କରିଛନ୍ତି । ୧୦ଦିନ ଧରି ବିଭିନ୍ନ ବ୍ଳକ, ଜିଲ୍ଲାପାଳ କାର୍ଯ୍ୟାଳୟ ଓ ପେଟ୍ରୋଲ ପମ୍ପମାନଙ୍କରେ ବିରୋଧ ପ୍ରଦର୍ଶନ କରାଯିବ ବୋଲି କହିଥିଲେ ।
