ଫୁଲବାଣୀ- କନ୍ଧମାଳ ଜିଲ୍ଲା ଫୁଲବାଣୀ ସଦରଥାନା ଅନ୍ତର୍ଗତ ବଳମପଦର୍ ରାସ୍ତାରେ ଆଲୋକ ପ୍ରଧାନ ନାମକ ଡ୍ରାଇଭର ଟ୍ରକକୁ ଛାଡି କୁଆଡେ଼ ଚାଲିଯାଇଥିଲେ । ଏନେଇ ଟ୍ରକ ମାଲିକ ଗତ ୪ ତାରିଖରେ ସଦର ଥାନାରେ ଏତଲା ଦେଇଥିଲେ । ତେବେ ଘଟଣାର ୩ ଦିନ ପରେ ନିକଟସ୍ଥ ଗ୍ରାସାନଣ୍ଡା ଜଙ୍ଗଲରେ ଏକ ଗଛରେ ଡ୍ରାଇଭର ଝୁଲନ୍ତା ଅବସ୍ଥାରେ ମୃତଦେହ ମିଳିଥିଲା । ଏନେଇ ସଦର ଥାନା ପୋଲିସ ୧୫/୨୧ରେ ମାମଲା ରୁଜୁକରି ଶବ ଜବତ କରି ଘଟଣାର ତଦନ୍ତ କରୁଛି । ତେବେ ପରିବାର ଲୋକେ ହତ୍ୟା କରି ଝୁଲାଇ ଦେଇଥିବା ଅଭିଯୋଗ ଥାନାରେ କରିଛନ୍ତି । ମୃତ ଡ୍ରାଇଭରଙ୍କ ପକେଟରୁ ୧୦ ହଜାର ଟଙ୍କା ଓ ମୋବାଇଲ ଉଦ୍ଧାର କରିଛି ପୋଲିସ । ଏହା ହତ୍ୟା ନା ଆତ୍ମହତ୍ୟା ତଦନ୍ତ ପରେ ଜଣାପଡିବ ବୋଲି ସଦର ଥାନା ଅଧିକାରୀ ପ୍ରଶାନ୍ତ କୁମାର ବେହେରା କହିଛନ୍ତି ।
