ବୌଦ୍ଧ : ବୌଦ୍ଧ ଜିଲ୍ଲା ପଲଶାଗୋରା ଗ୍ରାମର ଯୁବ ଶିକ୍ଷକ ଅରୁଣ ଗିରି(୩୬)ଙ୍କ ଆଜି ଅକାଳ ବିୟୋଗ ଘଟିଛି । ସେ କୁମରକେଲି ସେବାଶ୍ରମରେ ଶିକ୍ଷକତା କରୁଥିଲେ । ମାସେ ତଳେ ସେ କୋଭିଡରେ ଆକ୍ରାନ୍ତ ହୋଇ ସୁସ୍ଥ ହୋଇଥିଲେ । କିନ୍ତୁ ଏହାପରେ ତାଙ୍କର ଅନ୍ୟାନ୍ୟ ଶାରୀରିକ ଅସୁସ୍ଥତା ଦେଖାଦେଇଥିଲା । ଗତ ୬ ଦିନ ତଳେ ଚିକିତ୍ସା ପାଇଁ ସେ ବୁର୍ଲାସ୍ଥିତ ଏକ ଘରୋଇ ନର୍ସିଂହୋମରେ ଭର୍ତ୍ତି ହୋଇଥିଲେ । ଆଜି ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କର ପରଲୋକ ହୋଇଯାଇଥିବା ଜଣାପଡିଛି । ସେ ଜଣେ କ୍ରିକେଟ ଖେଳାଳି ହେବା ସହ କ୍ରୀଡା ସଂଗଠକ ଭାବେ ନିଜର ପରିଚୟ ସୃଷ୍ଟି କରିଥିଲେ । ତାଙ୍କର ଅକାଳ ବିୟୋଗରେ ଶିକ୍ଷକ ଓ କ୍ରୀଡାପ୍ରେମୀଙ୍କ ମନରେ ଶୋକରଛାୟା ଖେଳିଯାଇଛି ।
