ହରଭଙ୍ଗା,୧୫/୭- ବୌଦ୍ଧଜିଲ୍ଲା ହରଭଙ୍ଗା ଥାନା ଛତ୍ରଙ୍ଗ-କୁଶଙ୍ଗ ରାସ୍ତାର ଅଯୋଧ୍ୟା ନିକଟରେ ସାଇକେଲ ଓ ଏକ ବାଇକ୍ ମୁହାଁମୁହିଁ ଧକ୍କା ହେବା ଫଳରେ ୩ଜଣ ଗୁରୁତର ହୋଇଥିବା ଜଣାପଡିଛି । ସୁଚନାମତେ ଧୁଙ୍ଗିଆମୁଣ୍ଡାଗ୍ରାମର ରମାକାନ୍ତ ମଲ୍ଲିକ(୩୫) ତାଙ୍କର ସ୍ତ୍ରୀ ରଶ୍ମିତା ମଲ୍ଲିକ (୨୮), ଶଳା ସୁଜିତ୍ ମଲ୍ଲିକ (୧୨) ବାଇକ ନଂ୨୫ ସି ୪୦୯୭ ରେ ତଳଗାଁ ଯାଉଥିବା ସମୟରେ ବିପରୀତ ଦିଗରୁ ଆସୁଥିବା ଅଯୋଧ୍ୟା ଗ୍ରାମର ଶ୍ୟାମଘନ ମହାକୁଡ (୭୦) ବୃଦ୍ଧଙ୍କ ସହ ମୁହାଁମୁହିଁ ଧକ୍କା ହୋଇଥିଲା । ଫଳରେ ଘଟଣାସ୍ଥଳରେ ହିଁ ସମସ୍ତେ ଛିଟିକି ପଡିଥିଲେ । ଖବର ପାଇ ଚାରିଛକ ଦମକଳ ପହଞ୍ଚି ଗୁରୁତର ବ୍ୟକ୍ତିଙ୍କୁ ପ୍ରଥମେ ହରଭଙ୍ଗା ମେଡିକାଲପରେ ପୁରୁଣାକଟକ ମେଡିକାଲ୍ ଆଣିଥିବା ଜଣାପଡିଛି । ଏପଟେ ହରଭଙ୍ଗା ଥାନା ପୋଲିସ୍ ଘଟଣାସ୍ଥଳରେ ପହଂଚି ଦୁର୍ଘଟଣାର ତଦନ୍ତ କରୁଥିବା ଜଣାପଡିଛି ।
