ହରଭଙ୍ଗା,୧୭/୭(ଭାଗବତ ମେହେର)- ବୌଦ୍ଧଜିଲ୍ଲା ପୁରୁଣାକଟକ ରେଞ୍ଜ ପକ୍ଷରୁ ଚଢ଼ାଉକରି ୨୫ କେଜି ସମ୍ବର ମାଂସ ଜବତ କରିବା ସହ ଜଣେ ଗିରଫ ହୋଇଥିବା ଜଣାପଡିଛି । ଅଭିଯୁକ୍ତ ହେଲେ ଝାରଖମର ଗାଁର ସନ୍ତୋଷ କୁମାର ସାହୁ । ସୂଚନା ଅନୁଯାୟୀ ଭୋରରୁ ଝାରଖମଣ ଗାଁରେ ସନ୍ତୋଷ ନିଜ ଘରେ ସମ୍ବର ମାଂସ ପଲିଥିନରେ ବାନ୍ଧି ବିକ୍ରି କରୁଥିବା ନେଇ ବନ ବିଭାଗ ଖବର ପାଇଥିଲା । ବୌଦ୍ଧ ବନ ସଂରକ୍ଷକଙ୍କ ନେତୃତ୍ୱରେ ପୁରୁଣାକଟକ ରେଞ୍ଜ କର୍ମଚାରୀ ମିଳିତ ଭାବେ ସନ୍ତୋଷଙ୍କ ଘରେ ଅତର୍କିତ ଚଢ଼ାଉ କରିଥିଲେ । ଚଢ଼ାଉ ବେଳେ ସନ୍ତୋଷ ପ୍ରାୟ ୫୦ରୁ ଉର୍ଦ୍ଧ୍ୱ ମାଂସ ପଲିଥିନ ପୁଡ଼ିଆ ଜବତ କରିଛି । ତେବେ ସନ୍ତୋଷକୁ ଗିରଫ କରିବା ପରେ ସେ ସମ୍ବର ଶିକାର କରିଥିବା ଶିକାରୀ ନାମ କହିଥିଲା । ଏବେ ବନ ବିଭାଗ ମୁଖ୍ୟ ଶିକାରୀ ମାନଙ୍କୁ ଧରିବାକୁ କୁଶଙ୍ଗ ବନ୍ୟପ୍ରାଣୀ ଓ ହରଭଙ୍ଗା ପୋଲିସ ସହାୟତା ନେଇ ଶିକାରୀକୁ ଧରିବାପାଇଁ ଅପରେଶନ୍ ଜାରିରଖିଥିବା ନେଇ ବିଭାଗ ପକ୍ଷରୁ ସୂଚନା ମିଳିଛି ।
