ପୁରୀ : ପୁଣି ଅଶାନ୍ତ ହୋଇ ପଡିଛି ପୁରୀ ସହର। ତିନି ଦିନ ତଳେ ଏକ ହତ୍ୟାକାଣ୍ଡ ଘଟିଥିବା ବେଳେ ଗତକାଲି ରାତିରେ ଅଠର ନଳାରେ ଘନ ଘନ ବୋମାମାଡ଼ ହୋଇଛି । ଏକ ଦୋକାନ ଉପରେ 5 ଟି ବୋମାମାଡ଼ କରିଛନ୍ତି କିଛି ଦୁର୍ବୁତ୍ତ। ଯାହାକୁ ସ୍ଥାନୀୟ ଅଞ୍ଚଳରେ ଏବେ ଆତଙ୍କ ଖେଳି ଯାଇ ଥିବା ବେଳେ ପୁରୀ ସଦର ଥାନା ପୋଲିସ ଘଟଣା ସ୍ଥଳ ରେ ପହଂଚି ତଦନ୍ତ ଆରମ୍ଭ କରିଛି। ତେବେ ସୂଚନା ଅନୁଯାୟୀ ଦୋକାନ ମାଲିକ ବାବୁଆ ନାୟକ କହିଛନ୍ତି ଯେ ଗତ କିଛି ଦିନ ହେବ ତାଙ୍କର ଏକ ଜମି କୁ ନେଇ ତାଙ୍କ ସମ୍ପର୍କୀୟ ଙ୍କ ସହିତ ବିବାଦ ରହିଥିଲା। ଏହାକୁ ପୂର୍ବରୁ ଗଣ୍ଡଗୋଳ ମଧ୍ୟ ହୋଇ ଥିଲା। ସେହି ରାଗରେ ତାଙ୍କ ଦୋକାନ ଉପରେ ବୋମାମାଡ଼ କରାଯାଇ ତାଙ୍କୁ ଭୟଭୀତ କରାଯାଇଛି। ସେପଟେ ଦୁଇ ଦିନ ତଳେ ବାସେଳିସାହି ଥାନା ବଡ଼ ପୋଖରୀ ଅଞ୍ଚଳରେ ଜଣେ ଯୁବକ କୁ ବିଚ ରାସ୍ତା ରେ କିଛି ଦୁର୍ବୁତ୍ତ ଖଣ୍ଡା ହାଣି ହତ୍ୟା କରିଥିବା ବେଳେ ଆଜି ପର୍ଯ୍ୟନ୍ତ ଅଭିଯୁକ୍ତ ଙ୍କୁ ପୋଲିସ ଧରିବାରେ ସକ୍ଷମ ହୋଇ ନାହିଁ। ଅନ୍ୟପଟେ ପୁଣି ଅଠରନଳା ବଜାର ଉପରେ ବୋମାମାଡ଼ କୁ ନେଇ ପୋଲିସ ର ଚିନ୍ତା ବଢ଼ାଇ ଦେଇଛି। ରଥଯାତ୍ରା ପରେ ପୁଣି ପୁରୀ ସହର ଅଶାନ୍ତ ହୋଇ ପଡିଥିବାରୁ ବୁଦ୍ଧିଜୀବୀ ମହଲରେ ଉଦବେଗ ପ୍ରକାଶ ପାଇଛି ।
