ଭୁବନେଶ୍ୱର,୨୯/୭- ସହିଦନଗର ସ୍ଥିତ ଜନପଥ ଠାରୁ ରେଲୱେ ଫ୍ଲାଏ ଓଭର ବ୍ରିଜ ଆପ୍ରୋଚ ମହର୍ଷି କଲେଜ ରୋଡ୍ର ଶିଳାନ୍ୟାସ କରିଛନ୍ତି ଭୁବନେଶ୍ୱର ମଧ୍ୟ ବିଧାୟକ ଅନନ୍ତ ନାରାୟଣ ଜେନା । ବିଧାୟକ ଶ୍ରୀ ଜେନା ନଡିଆ ଭାଙ୍ଗି ଏହି କଂକ୍ରିଟ ରାସ୍ତାର ଭିତ୍ତିପ୍ରସ୍ତର ସ୍ଥାପନ କରିଥିଲେ । ଏହି ଅବସରରେ ବିଧାୟକ ଶ୍ରୀ ଜେନା କହିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୯୨୯ ମିଟର ଦୈର୍ଘ୍ୟ ବିଶିଷ୍ଟ ୧୨ମିଟର ପ୍ରସ୍ଥ ବିଶିଷ୍ଟ ଏହି ରାସ୍ତାର ନିର୍ମାଣ ପାଇଁ ୨ କୋଟି ଟଙ୍କା ପ୍ରଦାନ କରିଛନ୍ତି । ଆସନ୍ତା ଜାନୁଆରୀ ପ୍ରଥମ ସପ୍ତାହ ସୁଦ୍ଧା ଏହାର ନିର୍ମାଣ କାର୍ଯ୍ୟ ଶେଷ ହେବ ବୋଲି ବିଧାୟକ ଶ୍ରୀ ଜେନା ଦୃଢ ପ୍ରତିଶ୍ରୁତି ରଖିଥିଲେ ।
ଏହି ସଂକ୍ଷିପ୍ତ ଉତ୍ସବରେ ସହିଦନଗର ଅଞ୍ଚଳର ବିଶିଷ୍ଟ ଡାକ୍ତର ତଥା ପୂର୍ବତନ ନଗରପାଳ ଜଗନ୍ନାଥ ମହାପାତ୍ରଙ୍କ ସମେତ ଛାତ୍ର ବିଜେଡିର ରାଜ୍ୟ ସାଧାରଣ ସଂପାଦକ ଦୀପକ ବେହେରା, ସମାଜସେବୀ ଓ ବିଜେଡି ସଂପାଦକ ସକ୍ରିୟ କର୍ମୀ ରାଜକିଶୋର ଦାସ, ସରୋଜ ପାତ୍ର, ବିଶିଷ୍ଟ କଥାକାର ପ୍ରଫେସର ଶାନ୍ତନୁ ଆଚାର୍ଯ୍ୟଙ୍କ ସମେତ ବରିଷ୍ଠ ଅବସରପ୍ରାପ୍ତ ଆଇଏଏସ ଅଧିକାରୀ ମଦନ ମୋହନ ପଣ୍ଡା, ପୂର୍ବତନ ନଗରପାଳ ରାଜେନ୍ଦ୍ର ଆଚାର୍ଯ୍ୟ, ପୂର୍ବତନ କର୍ପୋରେଟର ପଦ୍ମନାଭ ଦାସ, ବିଶିଷ୍ଟ ଓଡଶୀ ନୃତ୍ୟଶିଳ୍ପୀ ପ୍ରତିଭା ପଣ୍ଡା, ସମାଜସେବୀ ସତ୍ୟଜିତ ଦାସ, ଆଶିଷ ଜେନା ଓ ନିରଞ୍ଜନ ମହାପାତ୍ର ପ୍ରମୁଖ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମରେ ସହିଦନଗର ଅଞ୍ଚଳର ବହୁ ବୁଦ୍ଧିଜୀବୀ ବ୍ୟବସାୟୀ ଯୁବକ ମହିଳା ମଧ୍ୟ ଉପସ୍ଥିତ ଥିଲେ ।
