ବୌଦ୍ଧ/ଜହ୍ନାପଙ୍କ,୧/୮- ବୌଦ୍ଧ -ବଲାଙ୍ଗୀର ଜାତୀୟ ରାଜପଥ ୫୭ର ମଧୁପୁର ଛକ ନିକଟରେ ଆଜି ଅପରାହ୍ନ ପ୍ରାୟ ସାଢେ଼ ତିନିଟାରେ ଏକ କାର୍ ଧକ୍କାରେ ୩ଜଣ ଆହତ ହୋଇଛନ୍ତି । ଘଟଣାରୁ ପ୍ରକାଶ ଯେ ବୌଦ୍ଧବ୍ଲକ ଖୁଣ୍ଟବନ୍ଧ ପଞ୍ଚାୟତ ମଧୁପୁର ଗ୍ରାମର ଚାଷୀ ନିରଞ୍ଜନ ମହାନ୍ତି, ପୁଅ ଦିବାକର ମହାନ୍ତି ଓ ନାତୁଣୀ ଶୁଭାଙ୍ଗି ଏକ ଗାଈକୁ ଧରି ବିଲରୁ ଫେରୁଥିଲେ । ସେମାନେ ରାସ୍ତାପାର ହୋଇ ନିଜ ଘରକୁ ଯାଉଥିବାବେଳେ ଏକ କାର୍ ନଂ ଓଡି ୧୯ ସି ୮୩୨୪ ସମସ୍ତଙ୍କୁ ଧକ୍କାଦେଇ ରାସ୍ତାର ଡାହାଣ ପାର୍ଶ୍ୱରେ ଥିବା ଏକ ଗଛରେ ପିଟିହୋଇ ଓଲଟି ପଡ଼ିଥିଲା । ନିରଞ୍ଜନଙ୍କ ଗାଈଟିର ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା । ସ୍ଥାନୀୟ ଲୋକଙ୍କ ସହାୟତାରେ ଏହି ୩ଜଣଙ୍କୁ ଆମ୍ବୁଲାନସ ଯୋଗେ ବୌଦ୍ଧ ମୁଖ୍ୟ ଚିକିତ୍ସାଳୟକୁ ଅଣାଯାଇଥିଲା । ଆହତ ଦିବାକର ଓ ନାତୁଣୀ ଶୁଭାଙ୍ଗିଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ସଙ୍ଗେସଙ୍ଗେ ବୁର୍ଲା ସ୍ଥାନାନ୍ତର କରାଯାଇଛି । ଅପରପକ୍ଷରେ ଦୁର୍ଘଟଣା ଘଟାଇଥିବା କାର୍ ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଛି ।
