ଟିଟିଲାଗଡ଼,୮/୮ – ଆଜି ପୂର୍ବାହ୍ନରେ ଟିଟିଲାଗଡ଼ ପୌରପରିଷଦର ମିନି ଷ୍ଟାଡିୟମ ଠାରେ ଏକ ସ୍ମାର୍ଟପାର୍କ, ରେଳ ଷ୍ଟେସନ ପାଖରେ ରାତ୍ରଆଶ୍ରୟ ସ୍ଥଳୀ, ପିପଲପଦର ଠାରେ ଥିବା ମାତୃ ଶିଶୁ ହସ୍ପିଟାଲ ପଛପଟେ ଏକ ବଡ଼ ବିଲ୍ଡିଂ ଯେଉଁଥିରେ କି ହସ୍ପିଟାଲର ବିଭିନ୍ନ ବିଭାଗ ନିର୍ମାଣ ଯେପରିକି ବ୍ଲଡବ୍ୟାଙ୍କ୍, ଆଡମିନ ବ୍ଲକ୍, ଡ୍ରଗୱେରହାଉସ, ରେମ୍ପଭଳି ନିର୍ମାଣକାର୍ଯ୍ୟ ହେବାକୁ ଥିବାବେଳେ ସାମ୍ନାରେ କର୍ମଚାରୀଙ୍କ ପାଇଁ ଷ୍ଟାଫ୍ କ୍ୱ ।ଟର ନିର୍ମାଣ ପାଇଁ ଆଜି ଭିତ୍ତିିପ୍ରସ୍ତର ସ୍ଥାପନ କରିଛନ୍ତି ପଶ୍ଚିମଓଡିଶାର ଦୁଇ ମନ୍ତ୍ରୀ ଶ୍ରୀମତି ଟୁକୁନି ସାହୁ, ଶୁଶାନ୍ତ ସିଂ, ତାଙ୍କ ସହ ପାଟଣାଗଡ ବିଧାୟକ ସରୋଜ ମେହେର ମଧ୍ୟ ଉପସ୍ଥିତ ଥିଲେ । ଭିତ୍ତିପ୍ରସ୍ତର ସ୍ଥାପନ ପରେ ସ୍ଥାନୀୟ ଗୋବିନ୍ଦ ବାଟିକା ଠାରେ ଟିଟିଲାଗଡ଼ ବିଜୁ ଜନତା ଦଳର ବ୍ଲକ ଏବଂ ମୁନିସିପାଲିଟିର ସଂକଳ୍ପ ସଭା ଅନୁଷ୍ଠିତ ହୋଇଯାଇଛି ।
ଏହି ଅବସରରେ ମୁଖ୍ୟ ଅତିଥି ଭାବେ ଓଡ଼ିଶା ସରକାରଙ୍କ ଶ୍ରମ ବିକାଶ ମନ୍ତ୍ରୀ ତଥା ବଲାଙ୍ଗିର ଜିଲ୍ଲାର ବିଜେଡି ଦଳର ପର୍ଯ୍ୟବେକ୍ଷକ ଶ୍ରୀ ସୁଶାନ୍ତ କୁମାର ସିଂ, ଟିଟିଲାଗଡ଼ର ବିଧାୟିକା ତଥା ମହିଳା ଶିଶୁ ବିକାଶ ଏବଂ ମିଶନ ଶକ୍ତି ମନ୍ତ୍ରୀ ଶ୍ରୀମତି ଟୁକୁନି ସାହୁ, ପାଟଣାଗଡ଼ର ବିଧାୟକ ସରୋଜ ମେହେର, ବଲାଙ୍ଗିର ଜିଲ୍ଲା ବିଜେଡ଼ି ୟୁଥ୍ ସଭାପତି ରାଜେନ୍ଦ୍ର ପ୍ରସାଦ ହୋତା, ମହିଳା ଦଳୀୟ ଜିଲ୍ଲା ସଭାପତି ଦମୟନ୍ତୀ ବାଗ, ଛାତ୍ର ନେତା ଗୁଞ୍ଜ ଖାଁ, ଏବଂ ଅନ୍ୟମାନଙ୍କ ମଧ୍ୟରେ ସରପଞ୍ଚ ସଙ୍ଘ ସଭାପତି ବୀରବର ସାହୁ, ବ୍ଲକ ଅଧ୍ୟକ୍ଷା ରମାକାନ୍ତୀ ପୁଟେଲ, ପୂର୍ବତନ ଅଧ୍ୟକ୍ଷା ଗୀତା ବିଶି, ଟିଟିଲାଗଡ଼ର ବିଜୁ ଜନତା ଦଳର ଛାତ୍ର ନେତା ଆଶୁତୋଷ ମିଶ୍ର ପ୍ରମୁଖ ମଞ୍ଚାସିନ ଥିଲେ । ସଭା ପରିଚାଳନା କରିଥିଲେ ପ୍ରମୋଦ କୁମାର ପ୍ରଧାନ ।
