ସୁବର୍ଣ୍ଣପୁର,୧୦/୮- ଆଜି ସ୍ଥାନୀୟ ଏକ ବଙ୍ଗଳାରେ ଓଡ଼ିଶା ସାମ୍ବାଦିକ ସଂଘର ସୁବର୍ଣ୍ଣପୁର ଜିଲ୍ଲା ଶାଖାର ଏକ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ରାଜ୍ୟ ସାଧାରଣ ସଂପାଦକ ଶଶୀଭୂଷଣ ପ୍ରହରାଜ ଯୋଗଦେଇ ସଂଘର ବିଭିନ୍ନ କାର୍ଯ୍ୟପନ୍ଥା ଉପରେ ଆଲୋକପାତ କରିଥିଲେ । ବିଶେଷକରି ଆଗାମୀ ଦିନରେ ରାଜ୍ୟସଂଘ ଆହୁରି କ୍ରିୟାଶୀଳ କିପରି ହୋଇପାରିବ ସେ ସଂପର୍କରେ ଏକ ବିସ୍ତୃତ ଭାବରେ ଆଲୋଚନା କରାଯାଇଥିଲା । ସଂଘର ରାଜ୍ୟ କାର୍ଯ୍ୟକାରିଣୀ ବୈଠକ ଆଗାମୀ ଦିନରେ କଟକରେ ଯେହେତୁ ଆୟୋଜନ ହେବାପାଇଁ ସ୍ଥିର ହୋଇଛି ଏଣୁ ତା ପୂର୍ବରୁ ସମସ୍ତ ଜିଲ୍ଲାର ସଭ୍ୟ ସଂଗ୍ରହ ସଂପୂର୍ଣ୍ଣ କରିବାପାଇଁ ମତ ରଖିଥିଲେ । ଆଜିର ବୈଠକରେ ଜିଲ୍ଲା ସଭାପତି ମନୋରଞ୍ଜନ ତ୍ରିପାଠୀ, ସଂପାଦକ ମହାଦେବ ମଲ୍ଲିକ, ପ୍ରକାଶ ଚନ୍ଦ୍ର ବେବର୍ତ୍ତା,ଦିଲ୍ଲୀପ ପାତ୍ର,ବିବେକାନନ୍ଦ ମିଶ୍ର,ରାଜକିଶୋର ତ୍ରିପାଠୀ, ନୀଳକମଲ ମିଶ୍ର,ଆର୍ତ୍ତତ୍ରାଣ ପାଣିଗ୍ରାହୀ, ଶ୍ରୀନିବାସ ଚାନ୍ଦ, ରାଜକିଶୋର ସାହୁ ପ୍ରମୁଖ ଯୋଗଦେଇ ଆଲୋଚନାରେ ଅଂଶଗ୍ରହଣ କରିଥିଲେ ।
