ନୂଆଦିଲ୍ଲୀ : ଟୋକିଓ ଅଲିମ୍ପିକ୍ ରୌପ୍ୟ ପଦକ ବିଜେତା ମୀରାବାଇ ଚାନୁଙ୍କୁ ଭେଟିବାକୁ ସମସ୍ତେ ଚାହାଁନ୍ତି । ଏହି ସମୟରେ ଅନେକ ସେଲିବ୍ରେଟି ମଧ୍ୟ ମିରାବାଇ ଚାନୁଙ୍କୁ ଭେଟି ତାଙ୍କୁ ଅଭିନନ୍ଦନ ଜଣାଇଛନ୍ତି । ବୁଧବାର ସଲମାନ ଖାନ ମଧ୍ୟ ମିରାବାଇଙ୍କୁ ଭେଟିଥିଲେ । ଯାହାର ଫଟୋ ସଲମାନ ନିଜେ ସୋସିଆଲ ମିଡିଆରେ ସେୟାର କରିଛନ୍ତି । ଏହି ଫଟୋ ସହିତ ସଲମାନ ମୀରାବାଇ ପାଇଁ ଏକ ସ୍ୱତନ୍ତ୍ର ନୋଟ୍ ମଧ୍ୟ ଲେଖିଛନ୍ତି ।
ଫଟୋ ସେୟାର କରି ସଲମାନ ଖାନ ଲେଖିଛନ୍ତି, “ମିରବାଇ ଚାନୁ ଆମର ରୌପ୍ୟ ପଦକ ବିଜେତା ମୁଁ ଆପଣଙ୍କ ପାଇଁ ବହୁତ ଖୁସି । ମୁଁ ଆପଣଙ୍କୁ ଭେଟି ବହୁତ ଖୁସି । ମୋର ଶୁଭେଚ୍ଛା ସବୁବେଳେ ଆପଣଙ୍କ ପାଖରେ ଅଛି ।” ଫଟୋରେ ସଲମାନ ଖାନ ପାରମ୍ପାରିକ ସ୍କାର୍ଫ ପିନ୍ଧିଛନ୍ତି । ଏହି ସ୍କାର୍ଫ ମିରାବାଇ ସଲମାନଙ୍କୁ ଉପହାର ଦେଇଛନ୍ତି ।
ସଲମାନ ଖାନଙ୍କ ପୋଷ୍ଟ ଉପରେ ମନ୍ତବ୍ୟ ଦେଇ ମୀରାବାଇ ଚାନୁ ଲେଖିଛନ୍ତି, “ସଲମାନ ଖାନଙ୍କୁ ବହୁତ ଧନ୍ୟବାଦ । ମୁଁ ତୁମର ବଡ ପ୍ରଶଂସକ ଏବଂ ତୁମକୁ ଭେଟିବା ମୋ ପାଇଁ ଏକ ସ୍ୱପ୍ନ ପରି ଥିଲା । ଏହାପୂର୍ବରୁ ଏକ ସାକ୍ଷାତକାରରେ ମୀରବାଇ ମଧ୍ୟ ସଲମାନ ଖାନଙ୍କ ଜଣେ ବଡ଼ ପ୍ରଶଂସକ ବୋଲି ସ୍ୱୀକାର କରିଥିଲେ । ସେ କହିଥିଲେ, “ମୁଁ ସଲମାନ ଖାନଙ୍କୁ ବହୁତ ପସନ୍ଦ କରେ । ତାଙ୍କ ଶରୀରର ଗଠନ ସମସ୍ତଙ୍କୁ ପ୍ରଭାବିତ କରେ ବୋଲି ସେ କହିଥିଲେ । ନିକଟରେ ସଲମାନଙ୍କ ପୂର୍ବରୁ ସଚିନ ତେନ୍ଦୁଲକର ମଧ୍ୟ ମୀରାବାଇ ଚାନୁଙ୍କୁ ଭେଟି ତାଙ୍କୁ ଅଭିନନ୍ଦନ ଜଣାଇଛନ୍ତି । ଯାହାର ଫଟୋ ସଚିନ୍ ମୀରାବାଇ ପାଇଁ ଏକ ସ୍ୱତନ୍ତ୍ର ନୋଟ୍ ସହିତ ସେୟାର କରିଥିଲେ । ଟୋକିଓ ଅଲିମ୍ପିକ୍ସ ୨୦୨୦ ରେ ମହିଳା ଭାରୋତ୍ତୋଳନ ୪୯ କିଲୋଗ୍ରାମ ବର୍ଗରେ ମୀରବାଇ ଚାନୁ ରୌପ୍ୟ ପଦକ ଜିତିଥିଲେ । ସଲମାନ ଖାନଙ୍କ ବ୍ୟତୀତ ଅନେକ ବଲିଉଡ ସେଲିବ୍ରେଟୀ ସୋସିଆଲ ମିଡିଆରେ ପୋଷ୍ଟ ସେୟାର କରି ମିରାବାଇ ଚାନୁଙ୍କୁ ପଦକ ଜିତିଥିବାରୁ ଅଭିନନ୍ଦନ ଜଣାଇଛନ୍ତି ।
