ଫୁଲବାଣୀ,୧୪/୮- କନ୍ଧମାଳ ଜିଲ୍ଲା ଜି.ଉଦୟଗିରି ନିର୍ବାଚନ ମଣ୍ଡଳୀର ରାଇକିଆ ବ୍ଲକ ଏବଂ ଉଦୟଗିରି ଏନଏସି ଠାରେ କନ୍ଧମାଳ ଜିଲ୍ଲା ମହିଳା ସଭାନେତ୍ରୀ ପୁନମ କହଁରଙ୍କ ନେତୃତ୍ୱରେ ବିଜୁ ମହିଳା ଜନତା ଦଳର ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଅଛି । ଏହି ଦୁଇ ବୈଠକକୁ ରାଇକିଆ ବ୍ଲକ ସଭାନେତ୍ରୀ ଶୀତଲ ନାୟକ ଏବଂ ଉଦୟଗିରି ଏନଏସି ସଭାନେତ୍ରୀ ଭାନୁପ୍ରଭା ମିଶ୍ର ପରିଚାଳନା କରିଥିଲେ । ଉକ୍ତ ଦୁଇ ବୈଠକରେ ମୁଖ୍ୟ ଅତିଥି ଭାବରେ ଜି. ଉଦୟଗିରି ବିଧାୟକ ସାଲୁଗା ପ୍ରଧାନ ଏବଂ ଜିଲ୍ଲା ମହିଳା ପର୍ଯ୍ୟବେକ୍ଷିକା ମମତା ବିଶୋଇ ଓ ଅନ୍ୟାନ୍ୟ ନେତୃତ୍ୱବୃନ୍ଦ ଉପସ୍ଥିତ ଥିଲେ । ଆଗାମୀ ନିର୍ବାଚନରେ କିପରି ଭାବରେ ବିପୁଳ ଭୋଟରେ ବିଜୁ ଜନତା ଦଳ ବିଜୟ ଲାଭ କରିବ ଏହି ବିଷୟ ନେଇ ଉକ୍ତ ବୈଠକରେ ଆଲୋଚନା ହୋଇଥିଲା । ଶତାଧିକ ମହିଳା କର୍ମୀଙ୍କୁ ନିଜର କରିପାରିଛନ୍ତି ଖୁବ କମ ସମୟରେ ମହିଳା ସଭାନେତ୍ରୀ ପୁନମ । ତାଙ୍କର କହିବା ଶୈଳୀରେ ବାନ୍ଧି ହୋଇ ଯାଉଛନ୍ତି ଶହ ଶହ ମହିଳା କର୍ମୀ । ନାରୀ ସଭାନେତ୍ରୀ ହେବତ ଏମିତି କହୁଛନ୍ତି ପ୍ରତ୍ୟେକ ବ୍ଲକର ମହିଳା କର୍ମୀଙ୍କ ସମେତ ଅଂଚଳବାସୀ ।
