ଭୁବନେଶ୍ୱର : ଅଙ୍ଗନବାଡ଼ି ଦିଦି । ସମସ୍ତେ ଜାଣନ୍ତି ଅଙ୍ଗନବାଡ଼ି ଦିଦିଙ୍କର ଦରମା କେତେ ? ଦରମା ବୃଦ୍ଧି ପାଇଁ ଆନ୍ଦୋଳନ ବି ଆମେ ଦେଖୁଛେ । କିନ୍ତୁ ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଜଣେ ଅଙ୍ଗନବାଡ଼ି ଦିଦି କୋଟି କୋଟି ଟଙ୍କାର ମାଲିକ । ଭିଜିଲାନ୍ସ ଏମିତି ଜଣେ ଅଙ୍ଗନବାଡ଼ି ଦିଦିଙ୍କୁ ଧରିବା ପରେ ଏହା ଏବେ ସମସ୍ତଙ୍କୁ ଚକିତ କରିଦେଇଛି ।
ମିଳିଥିବା ସୂଚନା ଅନୁଯାୟୀ, ଭୁବନେଶ୍ୱରର କୋରଡ଼କଂଟା ଠାରେ ଅଙ୍ଗନବାଡ଼ି ଦିଦି ଅଛନ୍ତି କବିତା ମାଥାନ । ତାଙ୍କୁ ଭିଜିଲାନ୍ସ ଧରିବା ପରେ ସେ କୋଟି କୋଟି ଟଙ୍କାର ଆୟ ବହିର୍ଭୂତ ସମ୍ପତି ଠୁଳ କରିଥିବା ଜଣାପଡ଼ିଛି । ଏକକାଳୀନ ୬ଟି ସ୍ଥାନରେ ଏନେଇ ଭିଜିଲାନ୍ସ ରେଡ଼ କରିବା ସହ ଅନେକ ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ କରିଥିବା ଜାଣିବାକୁ ମିଳିଛି । ଭୁବନେଶ୍ୱରର କେଶୁରା ଓ ଝାରପଡ଼ାରେ ତାଙ୍କର ଏକାଧିକ କୋଠାଘର ରହିଛି । ସେହିପରି ପୈତୃକ ଘର ପଟାମୁଣ୍ଡାଇ ଓ ବାଲିକୁଦାରେ ଶାଶୁଘରେ ରେଡ଼ ହେଉଛି । ସେହିପରି ଜଗତସିଂହପୁରରେ ବି ରେଡ଼ ଚାଲିଥିବା ଜଣାପଡ଼ିଛି ।
