ବୌଦ୍ଧ,୧୫/୯ – ଆଜି ବୌଦ୍ଧବ୍ଲକ କାର୍ଯ୍ୟାଳୟ ପରିସରରେ ଆଜାଦୀ କା ଅମୃତ ମହୋତ୍ସବରେ ଶ୍ରମଦାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବୌଦ୍ଧବ୍ଲକ ବିଡିଓ ଦେବୀ ପ୍ରସାଦ ଦାଶଙ୍କ ତତ୍ତ୍ୱାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁର୍ଷୁଣ୍ଢି ଗ୍ରାମ ପଞ୍ଚାୟତର ବିଭିନ୍ନ ମହିଳା ସ୍ୱୟଂ ସହାୟକ ଗୋଷ୍ଠୀର ସଦସ୍ୟା, ପଞ୍ଚାୟତ ମହାସଂଘର କର୍ମକର୍ତ୍ତାଙ୍କ ସମେତ ସହକାରୀ ବିଡିଓ ପ୍ରମୋଦ କୁମାର ମିଶ୍ର, ମୁଖ୍ୟ କିରାଣୀ ନିରଞ୍ଜନ ପାଢୀଙ୍କ ସମେତ କାର୍ଯ୍ୟାଳୟର ସମସ୍ତ କର୍ମଚାରୀ ଅଂଶଗ୍ରହଣ କରିଥିଲେ । ସମସ୍ତେ ଶ୍ରମଦାନ କରି ବୌଦ୍ଧବ୍ଲକ କାର୍ଯ୍ୟାଳୟ ପରିସରକୁ ସଫାସୁତୁରା କରିଥିବା ଜଣାପଡିଛି ।
