ପାଟଣାଗଡ଼,୧୫/୯- ପାଟଣାଗଡ଼ ଲୋକପ୍ରିୟ ବିଧାୟକ ସରୋଜ କୁମାର ମେହେରଙ୍କ ଆଜି ୪୩ ତମ ଜନ୍ମ ଦିନ ପାଳିତ ଅବସରରେ ନୂଆଁଖାଇ ଭେଟଘାଟ ଅନୁଷ୍ଠିତ ହୋଇଯାଇଛି । ସ୍ଥାନୀୟ ବିଜେଡି କାର୍ଯ୍ୟାଳୟରେ ଠାରେ ଅନୁଷ୍ଠିତ ଜନ୍ମଦିନ ଉତ୍ସବ ଓ ନୂଆଁଖାଇ ଭେଟଘାଟ କାର୍ଯ୍ୟକ୍ରମରେ ବିଧାୟକ ଶ୍ରୀ ସରୋଜ କୁମାର ମେହେରଙ୍କୁ ବିଭିନ୍ନ ସଂଗଠନ ପକ୍ଷରୁ ଶୁଭେଚ୍ଛା ଜଣାଇବା ସହ ତାଙ୍କ ଦୀର୍ଘାୟୁ କାମନା କରି ଫୁଲତୋଡା ଉପଢୌକନ ଅର୍ପଣ କରିଥିଲେ । ଏଥିରେ ପାଟଣାଗଡ଼ ଉପଖଣ୍ଡର ସମସ୍ତ ବ୍ଳକ ବିଧାୟକ ପ୍ରତିନିଧି ପାଟଣାଗଡ଼ ହିମାଞ୍ଚଲ ପ୍ରଧାନ , ଖପ୍ରାଖୋଲରୁ ପଞ୍ଚୁ ଦେବ ସାହୁ ,ବେଲପଡାରୁ ଗଣେଶ କୁମ୍ଭାର , ସମିତି ସଭ୍ୟ ଲିଙ୍ଗରାଜ ନାଗ ପ୍ରମୁଖଙ୍କ ସହ ବିଜୁ ମହିଳା ଜନତା ଦଳ ସଦସ୍ୟାଙ୍କ ପକ୍ଷରୁ ବିଧାୟକ ଶ୍ରୀ ମେହେରଙ୍କୁ ଜନ୍ମ ଦିନ ତିଥିରେ ଶୁଭକାମନା ସହ ତାଙ୍କର ଦୀର୍ଘାୟୁ ଜୀବନ କାମନା କରି ଲୋକଙ୍କ ପ୍ରିୟ ଭାଜନ ହେବା ପାଇଁ କାମନା କରାଯାଇଥିଲା ।
ବିଧାୟକ ଶ୍ରୀ ମେହେର ନୂଆଁଖାଇ ଭେଟଘାଟର ମହତ୍ୱ ଉପରେ ବିଶଦ ଭାବରେ ମତବ୍ୟକ୍ତ କରିବା ସହ ଏକ ପରିବାର ସଦୃଶ ଭାଇଚାରାର ଉଦାହରଣ ସୃଷ୍ଟି କରିଛି ବୋଲି ମତପୋଷଣ କରିଥିଲେ । ଏଥିରେ ଶତାଧିକ ଦଳୀୟ କର୍ମୀ , ମହିଳା ପୁରୁଷ ଯୋଗଦେଇଥିଲେ ।
