ଜହ୍ନ।ପଙ୍କ : ବୌଦ୍ଧ ବ୍ଲକ ତାଳସରଡା ପଞ୍ଚାୟତ ଅନ୍ତର୍ଗତ ସଂଗ୍ରାମପୁର ପଞ୍ଚାୟତ ହାଇସ୍କୁଲର ଶିକ୍ଷକ ଏବଂ ପୁରାତନ ଛାତ୍ର ମାନଙ୍କୁ ନେଇ ପ୍ରଧାନ ଶିକ୍ଷକ ଶ୍ରୀଯୁକ୍ତ ଭରତ ମେହେରଙ୍କ ଅଧକ୍ଷତାରେ “ମୋ ସ୍କୁଲ ଅଭିଯାନର ତୃତୀୟ” ବୈଠକ ସୋମବାର ଅନୁଷ୍ଠିତ ହୋଇଯାଇଛି l ଏଥିରେ ଛାତ୍ର ସଂସଦର ସଭାପତି ଭାବେ ନିରଞ୍ଜନ ମେହେର ‘ମୋ ସ୍କୁଲ’ର ଆଗାମୀ ଲକ୍ଷ୍ୟ ଓ ଉଦ୍ଦେଶ୍ୟ ଉପସ୍ଥାପନା କରି ଯେପରି ସଂଘ ସୁଦୃଢ ହେବ ତା ଉପରେ ଗୁରୁତ୍ୱ ଦେଇଥିଲେ l ପାର୍ବଣ ଋତୁରେ କୋଭିଡ ସଂକ୍ରମଣ ଉପରେ ସଚେତନ କରିବାକୁ ଆହ୍ୱାନ କରାଯାଇଅଛି l ଆଜିର ବୈଠକରେ ପ୍ରାୟ ୧୩ ହଜାର ୫୦୦ ଟଙ୍କାର ପାଣ୍ଠି ସଂଗ୍ରହ ହୋଇଥିଲା l ଏକ ପବ୍ଲିକ ଲାଇବ୍ରେରୀ ସ୍ଥାପନ ପାଇଁ ସଭାରେ ମତ ପ୍ରକାଶ କରାଯାଇଛି l ଏହାର ପରବର୍ତ୍ତୀ ବୈଠକ ଆସନ୍ତା ୨୬ ତାରିଖ ମଙ୍ଗଳବାର ଦିନ ୨ ଟାରେରେ ହେବାକୁ ଯୋଜନା କରାଯାଇଛି l ଶେଷରେ ଯୁବ କ୍ରୀଡ଼ାବିତ ତାପସ ଭୁକ୍ତା ସମସ୍ତଙ୍କୁ ଧନ୍ୟବାଦ ଦେଇ ସଭା ସାଙ୍ଗ କରାଯାଇଥିଲା l
