ନୂଆଦିଲ୍ଳୀ ୧୩।୧୧ : ଖୁବଶୀଘ୍ର କ୍ୟାଟଙ୍କ ଫ୍ୟାନ୍ସଙ୍କ ଅପେକ୍ଷାର ଘଟିବାକୁ ଯାଉଛି ଅନ୍ତ । ଯେଉଁ କଥାକୁ ଅନେକ ଦିନରୁ ଚାହିଁ ବସିଥିଲେ, ତାହା ଖୁବଶୀଘ୍ର ପୂରଣ ହେବାକୁ ଯାଉଛି। ଡିସେମ୍ବରରେ କ୍ୟାଟ୍ରିନା ଏବଂ ଭିକ୍କି କୌଶଲ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି। ଦୁହିଁଙ୍କର ବିବାହର ବିଭିନ୍ନ ଉତ୍ସବ ଜୟପୁର, ରାଜସ୍ଥାନରେ ହେବ । ଏଥିପାଇଁ ଭିକ୍କି ଓ କ୍ୟାଟ୍ରିନାଙ୍କ ଟିମ ସବୁ ପ୍ରକାରର ପ୍ରସ୍ତୁତି ଚଳାଛନ୍ତି। ଏସବୁ ସତ୍ତ୍ୱେ ଉଭୟ ନିଜର ବାହାଘର କାର୍ଯ୍ୟକ୍ରମ ପାଇଁ ଏଯାଏ ବିଧିବଦ୍ଧ ଭାବେ କାହାକୁ ନିମନ୍ତ୍ରଣ କରିନାହାନ୍ତି। କିନ୍ତୁ ଭିକ୍କି ଓ କ୍ୟାଟ୍ରିନା ନିଜର ବନ୍ଧୁମାନଙ୍କୁ ଡିସେମ୍ବର ୭ରୁ ୯ ଯାଏ ଫ୍ରି ରହିବାକୁ ଅନୁରୋଧ କରିଛନ୍ତି। ଏହାର ଅର୍ଥ ୭ରୁ ୯ ମଧ୍ୟରେ ସେମାନଙ୍କ ବାହାଘର ହେବ । ଏହି ଲଭବାର୍ଡଙ୍କ ଜଣେ ଘନିଷ୍ଠ ବନ୍ଧୁ ନିଜ ନାଁ ଗୋପନ ରଖି କହିଛନ୍ତି, ଭିକ୍କି ଓ କ୍ୟାଟ୍ରିନା ଫିଲ୍ମ ଇଣ୍ଡଷ୍ଟ୍ରୀରେ ଥିବା ସେମାନଙ୍କର ବନ୍ଧୁ ଏବଂ ମେଣ୍ଟୋର ମାନଙ୍କୁ ଡାକିବେ। ଏଥିପାଇଁ ଗୋଟିଏ ତାଲିକା ପ୍ରସ୍ତୁତ କରାଯାଇଛି। ଏହି ଅତିଥି ଲିଷ୍ଟରେ କରନ ଜୋହର, ଅଲୀ ଆବ୍ବାସ ଜାଫର, କବିର ଖାନ, ମିନି ମାଥୁର, ରୋହିତ ସେଟ୍ଟୀ, ସିଦ୍ଧାର୍ଥ ମାଲହୋତ୍ରା, କିଆରା ଆଡଭାନୀ, ବରୁଣ ଧୱନ, ନତାଶା ଦଲାଲ, ସଲମାନ ଖାନ ଓ ଅକ୍ଷୟ କୁମାର ପ୍ରମୁଖ ରହିଛନ୍ତି ।
