ବୌଦ୍ଧ ୨୦।୧୧ : ବୌଦ୍ଧ ବ୍ଲକ ତେଲିବନ୍ଧ କ୍ଲଷ୍ଟରର ଶିକ୍ଷା ସମୀକ୍ଷା ବୈଠକ ଆନନ୍ଦପୁର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି l ଧୁଡୁରୁବାହାଲ ସରକାରୀ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ନରେନ୍ଦ୍ରନାଥ ପ୍ରଧାନ ଅଧ୍ୟକ୍ଷତା କରିଥିଲା ବେଳେ ଆଞ୍ଚଳିକ ସାଧନକେନ୍ଦ୍ର ସଂଯୋଜକ ରାଜକୁମାର ପ୍ରଧାନ ସଂଯୋଜନା କରିଥିଲେ l ନୂତନ ଭାବେ ପଦୋନ୍ନତି ପାଇ ପ୍ରଧାନ ଶିକ୍ଷକ ଭାବେ ଯୋଗଦାନ କରିଥିବା ପ୍ରକାଶ ଚନ୍ଦ୍ର ସାହୁ କମ୍ପରା ଉଚ୍ଚ ପ୍ରାଥମିକ ବିଦ୍ୟାଳୟ, ଦିଲ୍ଲୀପ କୁମାର ଜେନା ସୁବର୍ଣ୍ଣପୁର ପ୍ରାଥମିକ ବିଦ୍ୟାଳୟ, ରେବତୀ ନାଏକ ରାମପୁର ପ୍ରାଥମିକ ବିଦ୍ୟାଳୟ, ସୁଧାଂଶୁ ଶେଖର ସାହୁ ଚନ୍ଦ୍ରପୁର ପ୍ରାଥମିକ ବିଦ୍ୟାଳୟ, ଅନନ୍ତ ଭୋଇ ଆନନ୍ଦପୁର ଉଚ୍ଚ ପ୍ରାଥମିକ ବିଦ୍ୟାଳୟ, ବାସନ୍ତୀ ବେହେରା, କମଳପୁର ପ୍ରାଥମିକ ବିଦ୍ୟାଳୟ, ନରେନ୍ଦ୍ର ନାଥ ପ୍ରଧାନ ଧୁଡୁରୁବାହାଲ ପ୍ରାଥମିକ ବିଦ୍ୟାଳୟଙ୍କୁ ସି ଆର ସି ସି ଶ୍ରୀ ପ୍ରଧାନ ସ୍ୱାଗତ ଜଣାଇ ଗତ ବ୍ଲକ ସ୍ତରୀୟ ବୈଠକରେ ଆଲୋଚନା ହୋଇଥିବା ବିଭାଗୀୟ ବିଷୟଗୁଡିକୁ ଆଲୋଚନା କରିଥିଲେ l ନୂତନ ପ୍ରଧାନ ଶିକ୍ଷକମାନେ ବିଦ୍ୟାଳୟ ଦାୟିତ୍ୱନେବା, ବିଦ୍ୟାଳୟ ଏସ ଏମ ସି ସହିତ ବୈଠକ କରିବା, ବିଦ୍ୟାଳୟ ଜମିପଟ୍ଟା ଓ ଆବଶ୍ୟକ ନଥିପତ୍ର ସହିତ ନକ୍ସା ପ୍ରଦାନ କରିବା, ମଧ୍ୟାହ୍ନ ଭୋଜନ ୟର୍ଲି ଡାଟା ଦେବା, ଯେଉଁ ପାଚିକା ମାନଙ୍କ 60ବର୍ଷ ହେଲାଣି ତାଙ୍କୁ ବଦଳାଇବା, ବିଦ୍ୟାଳୟ ପରିବେଶ ପରିଷ୍କାର ପରିଚ୍ଛନ୍ନ ରଖିବା, ଛୁଟି ନେବା ପୂର୍ବରୁ ଆବେଦନ କରିବା, ନିୟମିତ ଉପସ୍ଥାନ ରିପୋର୍ଟ ଦେବା ଆଦି ବିଷୟରେ ସି ଆର ସି ସି ପ୍ରଧାନ ଆଲୋଚନା କରିଥିଲେ l ଶିକ୍ଷକ ଶମ୍ଭୁ ଗିରି ଧନ୍ୟବାଦ ଦେଇଥିଲେ l ଶିକ୍ଷକ ସୁବାସ ରଣା, ଅଶୋକ କୁମାର ଘିବେଲା, ଗିରିଶ ଚନ୍ଦ୍ର ମେହେର ଉପସ୍ଥିତ ଥିଲେ l
