ଭୁବନେଶ୍ୱର : ରାଜ୍ୟରେ କରୋନା ପଜିିଟିଭଙ୍କ ସଂଖ୍ୟା ଧୀରେ ଧୀରେ ବଢିବାରେ ଲାଗିଛି । ଆଜି ସକାଳେ ବାଲେଶ୍ୱର ଜଣେ ଚିହ୍ନଟ ହୋଇଥିବା ବେଳେ ପରେ ବଲାଙ୍ଗୀର ଓ ଯାଜପୁରରୁ ଦୁଇଜଣ ଲେଖାଏଁ କରୋନା ପଜିଟିଭ ଚିହ୍ନଟ ହୋଇଥିଲେ । ପୁଣି କିଛି ମିନିଟର ବ୍ୟବଧାନ ପରେ ସେହି ଯାଜପୁର ଜିଲ୍ଲାରୁ ଆଉ ଜଣେ କରୋନା ପଜିଟିଭ ଚିହ୍ନଟ ହୋଇଛନ୍ତି । ଯାଜପୁର ଜିଲ୍ଲା ପଜିଟିଭଙ୍କ ସଂଖ୍ୟା ୩୯ରେ ପହଞ୍ଚିଥିବା ବେଳେ ରାଜ୍ୟରେ ୧୪୮କୁ ଛୁଇଁଛି । ଏହି ବ୍ୟକ୍ତି ଜଣଙ୍କ ମଧ୍ୟ କୋଲକତା ଫେରନ୍ତା ବୋଲି ଜଣାପଡିଛି । ଯାଜପୁର ଜିଲ୍ଲା ଏବେ ରାଜ୍ୟ ସରକାରଙ୍କ ପାଇଁ ମୁଣ୍ଡବିନ୍ଧାର କାରଣ ହୋଇଛି । ଆଉ ଦୁଇ ଦିନ ପରେ ଲକଡାଉନ ଅବଧି ପୁରିଯାଉଥିବାରୁ ଏହି ସଂଖ୍ୟା ଆହୁରି ଦ୍ରତି ଗତିରେ ବଢିବାର ଆଶଙ୍କା କରାଯାଉଛି ।
