ବୌଦ୍ଧ : ବିଶ୍ୱ ଶ୍ରମିକ ଦିବସ ଅବସରରେ ବୌଦ୍ଧ ଜିଲ୍ଲା ମୁଖ୍ୟ ଚିକିତ୍ସାଳୟର ରକ୍ତ ଭଣ୍ଡାରଠାରେ ରକ୍ତଦାନ ଶିବିର ଆଜି ଆୟୋଜିତ ହୋଇଯାଇଛି । ଓଡିଶା ନିର୍ମାଣ ମଜଦୁର ସଭା, ବୌଦ୍ଧ ଜିଲ୍ଲା ଶାଖା ପକ୍ଷରୁ ଆୟୋଜିତ ଏହି ରକ୍ତଦାନ କାର୍ଯ୍ୟକ୍ରମରେ ବୌଦ୍ଧ, ହରଭଙ୍ଗା ଓ କଣ୍ଟାମାଳ ବ୍ଲକର ୧୨ଜଣ ସ୍ୱେଚ୍ଛାସେବୀ ରକ୍ତଦାନ କରିଥିଲେ ।
ମଜଦୁର ସଭାର ସଦସ୍ୟ ସନ୍ତୋଷ ପୋଢ, କୁଶ ସାହୁ, ରଞ୍ଜନ ମହାକୁଡ, ଗଣେଶ ଲୋଇ, ପଞ୍ଚାନନ ସାହୁ, ଅମ୍ବୁପ୍ରସାଦ ମେହେର, ବୀର ମେହେର, ଘନଶ୍ୟାମ ସାହୁ, ଶଶିଭୂଷଣ ମେହେର, ଦଧିବନ ରଣା ପ୍ରମୁଖ ରକ୍ତଦାନ କରିଥିବା ସଂପାଦକ ଅର୍ଜୁନ ରଣା ପ୍ରକାଶ କରିଛନ୍ତି । ବୌଦ୍ଧ ରକ୍ତଭଣ୍ଡାରର ସମସ୍ତ କର୍ମଚାରୀ ରକ୍ତଦାନ ଶିବିରରେ ସହଯୋଗ କରିଥିଲେ ।
