ବୌଦ୍ଧ,୨୬/୧୨- ବୌଦ୍ଧଜିଲ୍ଲା ବୀରନରସିଂହପୁର ପଞ୍ଚାୟତର ନୂଆପଡା ଡ୍ୟାମ ଠାରେ ବୌଦ୍ଧଜିଲ୍ଲା ବିକାଶ ଗର୍ଜନ ସେନା ତରଫରୁ ବୌଦ୍ଧ ଦିନ ପାଳନ ସକାଶେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ବୈଠକରେ ଜାନୁଆରୀ ୨ ତାରିଖକୁ ବୌଦ୍ଧ ଦିନ ଭାବରେ ଧୁମ୍ଧାମରେ ପାଳନ କରିବାପାଇଁ ଯୋଜନା କରାଗଲା । ବୌଦ୍ଧ ଦିନ ଉପଲକ୍ଷେ ଜିଲ୍ଲାରେ ସ୍ୱଚ୍ଛତା ଅଭିଯାନ, ରକ୍ତଦାନ ଶିବିର, ଶୁଖିଲା ଖାଦ୍ୟ ବଣ୍ଟନ , ଅସହାୟଙ୍କୁ ସହାୟତା ପ୍ରଦାନ ଆଦି ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯିବା ସହିତ ବୌଦ୍ଧ ସହରରେ ଅବସ୍ଥିତ ବୁଦ୍ଧ ପାର୍କରେ ବୌଦ୍ଧ ଦିନ ପାଳନ କରାଯିବ ଏବଂ ବୌଦ୍ଧମାଟିର ମାନ୍ୟଗଣ୍ୟ ବ୍ୟକ୍ତିଙ୍କୁ ସମ୍ବର୍ଦ୍ଧିତ କରାଯିବ ବୋଲି ଗର୍ଜନ ସେନା ସଭାପତି ବାଲ୍ମିକୀ ମହାକୁଡ଼ ସୂଚନା ଦେଇଛନ୍ତି । ଜିଲ୍ଳାର ସମସ୍ତ କ୍ଲବ, ସ୍ୱେଚ୍ଛାସେବୀ ଅନୁଷ୍ଠାନ ଯୁବବର୍ଗ ବୌଦ୍ଧଦିନ ପାଳନ କରିବାପାଇଁ ଗର୍ଜନ ସେନା ଆହ୍ୱାନ ଦେଇଛି । ବୈଠକରେ ଗର୍ଜନ ସେନା କାର୍ଯ୍ୟକର୍ତ୍ତା ବ୍ରଜବିହାରୀ ମହାକୁଡ଼, ଅମିତ୍ ପ୍ରଧାନ, ଚନ୍ଦନ ପ୍ରଧାନ, ଲିକୁନ୍ ମହାକୁଡ଼, ଅଜୟ ପାତ୍ର, ଶ୍ରୀକାନ୍ତ ମହାକୁଡ଼, ସିଲୁ ମହାକୁଡ ପ୍ରମୁଖ ଉପସ୍ଥିତ ଥିଲେ ।
