ପାଟଣାଗଡ଼ : ପାଟଣାଗଡ଼ ବ୍ଳକ ଯୋଗିମୁଣ୍ଡା ସର୍କଲ ସ୍ତରୀୟ କୋଶଳିଆ ମାଳିସମାଜ ବିକାଶ ପରିଷଦ ପକ୍ଷରୁ ୧୧ ତମ ବାର୍ଷିକ ସଭା ଅନୁଷ୍ଠିତ ହୋଇଯାଇଛି । ଯୋଗିମୁଣ୍ଡା ସର୍କଲର ଅଞ୍ଚଳ ସଭାପତି ନିତାଇ ପୁଟେଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ପାଟଣାଗଡ଼ ବିଧାୟକ ସରୋଜ କୁମାର ମେହେର ମୁଖ୍ୟ ଅତିଥି, ସମାଜସେବୀ ତଥା ବିଜେଡି ନେତା ଗଣେଶରାମ ବେହେରା, ବିଧାୟକ ପ୍ରତିନିଧି ହିମାଞ୍ଚଳ ପ୍ରଧାନ, ବିଜେଡି ନେତା ଯୁବରାଜ ମେହେର ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଥିଲେ । ମୁଖ୍ୟ ଅତିଥି ବିଧାୟକ ଶ୍ରୀ ମେହେରଙ୍କ ଦ୍ୱାରା ସମାଜର କୋଶଳେଶ୍ୱର ମଣ୍ଡପ ନିର୍ମାଣ ପାଇଁ ଭୂମି ପୂଜନ କରାଯାଇଥିଲା । ସମାଜ ବିଭିନ୍ନ ଦିଗ ଉପରେ ଆଲୋକପାତ କରିବା ସହ ସହଯୋଗର ହାତ ବଢ଼ାଇବାକୁ ପ୍ରତିଶ୍ରୁତି ଦେଇଥିଲେ ମୁଖ୍ୟ ଅତିଥି ବିଧାୟକ ମେହେର । ଏଥିରେ ଉପସଭାପତି ଲିଙ୍ଗରାଜ ପୁଟେଲ, ସମ୍ପାଦକ ଭେଲାସାଗର ପୁଟେଲ, ସହସଂପାଦକ ଯଦୁମଣି ପୁଟେଲ, ସମୀକ୍ଷକ ନାରାୟଣ ପୁଟେଲଙ୍କ ସମେତ ମାଳି ସମାଜର ଶତାଧିକ ମହିଳା ପୁରୁଷ ଯୋଗଦେଇ ଥିବା ବେଳେ ତ୍ରିନାଥ ପୁଟେଲ ସଭା ପରିଚାଳନା କରିଥିଲେ ।
