ନୂଆଦିଲ୍ଲୀ : ଧୋନିଙ୍କ ଭଳି ମହାନ୍ ବ୍ୟାଟ୍ସମ୍ୟାନ୍ ଓ ୱିକେଟ୍ କିପରି ତାଙ୍କର ବ୍ୟାଟିଂ ଶୈଳୀ ଓ ଅନ୍ୟାନ୍ୟ ନୀତିକୁ କପି କରିବା ଅସମ୍ଭବ ବୋଲି ବର୍ତ୍ତମାନର ଯୁବ ୱିକେଟ୍ କିପର ତଥା ବ୍ୟାଟ୍ସମ୍ୟାନ୍ ସଞ୍ଜୁ ସାମସନ୍ କହିଛନ୍ତି । ସେ ପୁଣି କହିଛନ୍ତି ଯେ, ସେ ଅର୍ନ୍ତଜାତୀୟ ମ୍ୟାଚରେ କରିଯାଇଥିବା ରେକର୍ଡ଼ଗୁଡ଼ିକୁ ହୁଏତ ଅନ୍ୟ କେହି ଭଙ୍ଗ କରିଦେଇପାରନ୍ତି; କିନ୍ତୁ ତାଙ୍କର ଖେଳ ଶୈଳୀ, ଅଧିନାୟକତ୍ୱ ଓ ଅନ୍ୟାନ୍ୟ ନୀତିଗତି କୌଣସି କ୍ରିକେଟର କପି କରିପାରିବେ ନାହିଁ ବୋଲି ଦୃଢ଼ତାର ସହିତ କହିଛନ୍ତି । ଝାଡ଼ଖଣ୍ଡ ଭଳି ଏକ ଛୋଟିଆ ରାଜ୍ୟରୁ ଅର୍ନ୍ତଜାତୀୟ କ୍ରିକେଟ୍ରେ ସାମିଲ୍ ହୋଇ ପୁଣି ଅଧିନାୟକ ପଦ ସମ୍ଭାଳିବା କେବଳ ତାଙ୍କର ବ୍ୟକ୍ତିତ୍ୱ ଯୋଗୁଁ ସମ୍ଭବ ହୋଇପାରିଛି ବୋଲି ସାମସନ୍ କହିଥିଲେ । ୧୯ ବର୍ଷ ବୟସରେ ମୁଁ ଥରେ ଭାରତୀୟ ଦଳରେ ସାମିଲ୍ ହୋଇ ଇଂଲଣ୍ଡ ଗସ୍ତରେ ଯାଇଥିଲି ଏବଂ ତାଙ୍କ ସହ ଡ୍ରେସିଂ ରୁମ୍ରେ ମିଶିଥିଲି । ସେହିଦିନଠାରୁ ମୁଁ ତାଙ୍କ ବିଷୟରେ ଜାଣିଛି ବୋଲି ସାମସନ୍ କହିଛନ୍ତି ।
