ବୌଦ୍ଧ,୬/୩- ସୁନାବେଡା ସାଇ-ହାଲରେ ଗତ ମାର୍ଚ୍ଚ ୩ ତାରିଖରୁ ୬ ତାରିଖ ଯାଏଁ ଅନୁଷ୍ଠିତ ହେଉଛି । ପ୍ରଥମ ଓଡିଶା ର୍ୟାଙ୍କିଙ୍ଗ ତୀରନ୍ଦାଜ ଟୁର୍ଣ୍ଣାମେଣ୍ଟରେ ବୌଦ୍ଧର ତୀରନ୍ଦାଜୀ ଟେନିସା ମେହେର ସବ୍ ଜୁନିଅର ଇଣ୍ଡିଆନ ରାଉଣ୍ଡ ବାଳିକା ବିଭାଗରେ ବ୍ରୋଞ୍ଜ ପଦକ ପାଇ ୩ହଜାର ଟଙ୍କା ପୁରସ୍କାର ରାଶି ପାଇଛନ୍ତି । ସେ ବୁଟୁପାଲିନିବାସୀ ଯୁବ ସମାଜସେବୀ, ବ୍ୟଙ୍ଗକବି ଇନ୍ଦ୍ରମଣି ମେହେର ଓ ସନ୍ତୋଷିନୀ ମେହେରଙ୍କ କନ୍ୟା ଅଟନ୍ତି । ସୁଶ୍ରୀ ଟେନିସା ବର୍ତ୍ତମାନ ସରକାରୀ ବାଳିକା ଉଚ୍ଚବିଦ୍ୟାଳୟ ବୌଦ୍ଧର ଅଷ୍ଟମ ଶ୍ରେଣୀର ଛାତ୍ରୀ ଅଟନ୍ତି । ତାଙ୍କରି ଏହି କୃତିତ୍ୱ ତୀରନ୍ଦାଜ କ୍ଷେତ୍ରରେ ବୌଦ୍ଧଜିଲ୍ଲାକୁ ଗୌରବାନ୍ୱିତ କରିଥିବାବେଳେ ସବୁ ମହଲରୁ ତାଙ୍କୁ ପ୍ରଶଂସା କରାଯାଉଛି ।
