ଦଶପଲ୍ଲା : ନୟାଗଡ ବ୍ଲକ ଅଧ୍ୟକ୍ଷ ଭାବେ ନିର୍ବାଚିତ ହେଲେ ଚଣ୍ଡିବସ୍ତ ସମିତି ସଭ୍ୟ ପ୍ରାର୍ଥୀ କିଶୋର ଚନ୍ଦ୍ର ସାହୁ । ଏହା ପୂର୍ବରୁ ଶ୍ରୀଯୁକ୍ତ ସାହୁ ଭାଟସାହି ପଞ୍ଚାୟତର ସରପଞ୍ଚ ଥିଲେ । ସରପଞ୍ଚ ଥିବାବେଳେ ପଞ୍ଚାୟତବାସୀଙ୍କ ସେବା କରିବା, ମହାମାରୀ କରୋନା ସମୟରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଅକ୍ସିଜେନ ସିଲିଣ୍ଡର ପ୍ରଦାନ କରିବା, ପଞ୍ଚାୟତ ବାସୀଙ୍କ ପାଇଁ ମାଗଣାରେ ଆମ୍ବୁଲାନ୍ସ ଯୋଗାଇ ସେ ଜନ ସାଧାରଣଙ୍କ ଦୃଷ୍ଟି ଆକର୍ଷଣ କରି ପାରିଥିଲେ । ନୟାଗଡ଼ ବ୍ଲକର ୨୯ ପଞ୍ଚାୟତ ମଧ୍ୟରୁ ସମସ୍ତ ୨୯ ଜଣ ସମିତି ସଭ୍ୟଙ୍କ ସମର୍ଥନରେ କିଶୋର ଚନ୍ଦ୍ର ସାହୁ ଅପ୍ରତିଦ୍ୱନ୍ଦୀ ଭାବେ ନୟାଗଡ଼ ବ୍ଲକ ଅଧ୍ୟକ୍ଷ ଭାବେ ନିର୍ବାଚିତ ହୋଇଛନ୍ତି ।
