କଣ୍ଟାବାଞ୍ଜି : ବିଜେପି ସମର୍ଥନରେ ତୁରିକେଲା ବ୍ଲକ ଅଧ୍ୟକ୍ଷା ପଦ ହାତେଇଛି କଂଗ୍ରେସ । ସୂଚନା କ୍ରମେ ତୁରିକେଲା ବ୍ଲକ ୧୯ ସମିତି ସଭ୍ୟ କୁ ନେଇ ଅଧ୍ୟକ୍ଷ ପାଇଁ ନିର୍ବାଚନ ହୋଇଥିଲା । କଂଗ୍ରେସରେ ୯ ସମିତି ସଭ୍ୟ /ସଭ୍ୟା, ବିଜେପି ୨ ସମିତି ସଭ୍ୟ , ବିଜେଡି ସମର୍ଥିତ ସମିତି ସଭ୍ୟଙ୍କ ସଂଖ୍ୟା ୮ଥିଲା । କଂଗ୍ରେସକୁ ବିଜେପି ସମର୍ଥନ କରିଥିବାରୁ କଂଗ୍ରେସ ସମର୍ଥିତ ଅଧ୍ୟକ୍ଷା ପ୍ରାର୍ଥୀ ପୂଜା ବେହେରା ନିର୍ବାଚିତ ହୋଇଛନ୍ତି । ବିଜେଡି ପକ୍ଷରୁ କୁମାରୀ ମହାନନ୍ଦ ଅଧ୍ୟକ୍ଷା ପଦ ପାଇଁ ନିର୍ବାଚନ ଲଢିଥିବା ବେଳେ ତାଙ୍କୁ ୮ଜଣଙ୍କ ସମର୍ଥନ ମିଳିଥିଲା । ପୂର୍ବ ନିର୍ବାଚନରେ ମଧ୍ୟ ବ୍ଲକ ଅଧ୍ୟକ୍ଷ ପଦ କଂଗ୍ରେସ ଅଧିକାର ରେ ରହିଥିଲା । ବ୍ଲକ ଅଧ୍ୟାକ୍ଷା ଙ୍କ ନାମ ଘୋଷଣା ପରେ ଦଳର କର୍ମୀଙ୍କ ମଧ୍ୟରେ ଖୁସି ଲହର ଖେଳି ଯାଇଥିବା ବେଳେ ବିରୋଧୀ ଦଳ ପକ୍ଷରୁ ଉତ୍ତେଜନା ଦେଖିବାକୁ ମିଳିଥିଲା । ଉପସ୍ଥିତ ଥିବା ତୁରିକେଲା ଥାନା ଅଧିକାରୀ ପ୍ରଣୟ ମୁର୍ମୁ ଓ କଣ୍ଟାବାଞ୍ଜି ଥାନା ଅଧିକାରୀ ସତ୍ୟଜିତ କାଣ୍ଡେଲକର ଟିମ ସହ ପରିସ୍ଥିତିକୁ ନିୟନ୍ତ୍ରଣ କରିବାରେ ସକ୍ଷମ ହୋଇଥିଲେ ।
