ପାରଳାଖେମୁଣ୍ଡି : ଗଜପତି ଜିଲ୍ଲା ଗୋଶାଣି ବ୍ଳକର କେରାଣ୍ଡି ପଞ୍ଚାୟତର ନବ ନିର୍ବାଚିତ ଏରୁସୁ ଦଣ୍ଡପାଣି ସରପଞ୍ଚ ଭାବେ ଦାୟିତ୍ୱ ଗ୍ରହଣ କରିଥିବାର ଜଣାପଡ଼ିଛି । ଏହି କାର୍ଯ୍ୟକ୍ରମରେ ପୂର୍ବତନ ସରପଞ୍ଚ ରେଗିଟି ରାଣି, ନୂତନ ଭାବେ ନିର୍ବାଚିତ ହୋଇ ଥିବା ନାଏବ ସରପଞ୍ଚ ଆମିଟି ମହାଲକ୍ଷ୍ମୀ, ୱାର୍ଡ ସଭ୍ୟ ଶ୍ରୀକାନ୍ତ ବରାଡ଼ , ସରୋଜ ଜେନାଙ୍କ ସମେତ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ରହି ନବ ନିର୍ବାଚିତ ସରପଞ୍ଚ ଏରୁସୁ ଦଣ୍ଡପାଣିଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ ଜଣାଇଥିଲେ । ନବ ନିର୍ବାଚିତ ସରପଞ୍ଚ ଏରୁସୁ ଦଣ୍ଡପାଣି କହିଥିଲେ ଯେ, କେରାଣ୍ଡି ପଞ୍ଚାୟତର ବିକାଶ ଓ ସରକାରଙ୍କର ଲୋକାଭିମୁଖୀ ଯୋଜନାକୁ ତୃଣମୂଳ ସ୍ତରରେ ଯେପରି ପ୍ରକୃତ ହିତାଧିକାରୀ ପାଇପାରିବେ ଓ ପଞ୍ଚାୟତର ମୌଳିକ ସମସ୍ୟା ଉପରେ ଗୁରୁତ୍ୱ ଦିଆଯିବା ସହ କେରାଣ୍ଡି ପଞ୍ଚାୟତକୁ ଏକ ଆଦର୍ଶ ପଞ୍ଚାୟତ ରୂପେ ଗଢି ତୋଳିବା ପାଇଁ ପ୍ରୟାସ ଜାରି ରହିବ ।
