ବେଙ୍ଗାଲୁରୁ : ଶ୍ରୀଲଙ୍କା ବିପକ୍ଷ ଟେଷ୍ଟ ସିରିଜକୁ ଭାରତ କ୍ଲିନସୁଇପ କରିବାରେ ସଫଳ ହୋଇଛି । ଏଥି ସହିତ ଦଳ ବିଶ୍ୱ ଟେଷ୍ଟ ଚାମ୍ପିଆନସିପ ପଏଣ୍ଟ ଟେବୁଲ ତାଲିକାରେ ଚତୁର୍ଥ ସ୍ଥାନକୁ ଉନ୍ନତି ହୋଇଛି । ଭାରତର ଆଗରେ ଦ.ଆଫ୍ରିକ, ପାକିସ୍ତାନ ଓ ଅଷ୍ଟ୍ରେଲିଆ ରହିଛନ୍ତି । ସେହିପରି ଶ୍ରୀଲଙ୍କା ଟେଷ୍ଟ ସିରିଜ ହାରିବା ପରେ ପଞ୍ଚମ ସ୍ଥାନକୁ ଖସିଆସିଛି । ଭାରତର ସିରିଜ ବିଜୟ ପଛରେ ଯୁବ ଖେଳାଳିଙ୍କ ଅବଦାନ ବହୁତ ରହିଛନ୍ତି । ଏମାନଙ୍କ ମଧ୍ୟରେ ଉଇକେଟ କିପର ବ୍ୟାଟ୍ସମ୍ୟାନ ଋଷଭ ପନ୍ତ ଓ ଶ୍ରେୟସ ଆୟର । ପନ୍ତ ମ୍ୟାନ୍ ଅଫ ଦି ସିରିଜ ଘୋଷିତ ହୋଇଥିବା ବେଳେ ଶେଷ ଟେଷ୍ଟ ମ୍ୟାଚରେ ଶ୍ରେୟସ ଆୟର ମ୍ୟାନ୍ ଅଫ ଦି ମ୍ୟାଚ ଘୋଷିତ । ଭାରତ ଉଇକେଟ କିପର ଭାବରେ ପନ୍ତ ହେଉଛନ୍ତି ଏକମାତ୍ର ଖେଳାଳି ଯିଏକି ମ୍ୟାନ୍ ଅଫ ଦି ସିରିଜ ଘୋଷିତ ହୋଇଛନ୍ତି । ଏହି ଦୁଇ ଖେଳାଳିଙ୍କ ବ୍ୟତୀତ ସ୍ପିନର ଆର ଅଶ୍ୱିନ ମଧ୍ୟ ଏହି ସିରିଜରେ ଚମକ୍ରାର ପ୍ରଦର୍ଶନ କରିଛନ୍ତି । ପୁରସ୍କାର ବିତରଣ ଅବସରରେ ଅଧିନାୟକ ରୋହିତ ଶର୍ମା ତାଙ୍କୁ ପ୍ରଶଂସାରେ ପୋତି ଦେଇଛନ୍ତି । ସେ କହିଛନ୍ତି ଅଶ୍ୱିନୀ ମୋ ହିସାବରେ ଭାରତ ଅଲଟାଇମ୍ ସର୍ବଶ୍ରେଷ୍ଠ ଖେଳାଳି । କାରଣ ତାଙ୍କୁ ଆମେ ଯେତେବେଳେ ବଲ ଦେଇଥାଉ ସେ ସେତେବେଳେ ମ୍ୟାଚ ବିଜୟୀ ପାଇଁ ଖେଳିଥାନ୍ତି । ସଠିକ୍ ସମୟରେ ଦଳକୁ ଉଇକେଟ ଦେବାରେ ସେ ମାହିର ବୋଲି ରୋହିତ କହିଛନ୍ତି । ଏହି ସମୟରେ ପଡିଆରେ ଥିବା ଅଶ୍ୱିନୀ ମୁଣ୍ଡ ତଳକୁ ରଖି ଭାବୁକ ହୋଇଯାଇଥିଲା । ଯାହା କ୍ୟାମେରାରେ କଏଦ ହୋଇଯାଇଥିଲା । ରୋହିତ ଆହୁରି ମଧ୍ୟ କହିଛନ୍ତି ଏହି ବିଜୟ ଟିମ୍ ମନୋବଳକୁ ଉଚ୍ଚ ରଖିଛି । ଆଗାମୀ ଦିନରେ ଗୋଲାପୀ ବଲରେ ଆମେ ଆହୁରି ଭଲ ପ୍ରଦର୍ଶନ କରିବୁ କହିଥିଲେ ।
