ପୁରୀ : ସୁଆର ମହାସୁଆର ନିଯୋଗ ସଂପାଦକଙ୍କୁ ଗୁଳିମାଡ କରିଛନ୍ତି ଦୁର୍ବୃତ୍ତ । ଗୁଳିମାଡରେ ତାଙ୍କର ମୃତ୍ୟୁ ହୋଇଥିବା ବେଳେ ଦୁର୍ବୃତ୍ତମାନେ ଫେରାର ହୋଇଯାଇଥିବା ଜଣାପଡିଛି । ଗୁଳିମାଡରେ ମୃତ୍ୟୁବରଣ କରିଥିବା ସୁଆର ମହାସୁଆର ନିଯୋଗ ସଂପାଦକ ହେଲେ କୃଷ୍ଣଚନ୍ଦ୍ର ପ୍ରତିହାରୀ ଓରଫ କାଳିଆ । ବାରବାଟୀ ଜାଗା ନିକଟରେ ଗୁଳି ହୋଇଥିବା ସୂଚନା । ଗୁରୁତର ଅବସ୍ଥାରେ ପୁରୀ ସଦର ମୁଖ୍ୟ ଚିକିସ୍ୟାଳୟରେ ତାଙ୍କୁ ପ୍ରଥମେ ଭର୍ତ୍ତି କରାଯାଇଥିଲା । ଡାକ୍ତରଖାନାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ସୂଚନା ଅନୁସାରେ ଆଜି ଦିନ ଦଶଟା ତିରିଶରେ ଏହି ଘଟଣା ଘଟିଛି । କାଳିଆ ବାରବାଟୀ ଜାଗାରେ ବସିଥିବା ସମୟରେ ୩ ଜଣ ଦୁର୍ବୃର୍ତ୍ତ ଏକ ବାଇକରେ ଆସି ହଠାତ କାଳିଆଙ୍କ ଉପରକୁ ଗୁଳିମାଡ଼ କରିଥିଲେ । ଫଳରେ କାଳିଆଙ୍କ ମୁଣ୍ଡରେ ଦୁଇଟି ଗୁଳି ବାଜିଥିଲା । ଘଟଣା ସ୍ଥଳରେ ହିଁ କାଳିଆଙ୍କ ମୃତ୍ୟୁ ଘଟିଥିଲା । ତେବେ ତାଙ୍କୁ ସାଥି ସେବାୟତ ମାନେ ତୁରନ୍ତ ମେଡିକାଲରେ ଭର୍ତ୍ତି କରିଥିଲେ । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏ ଘଟଣାକୁ ନେଇ ପୋଲିସ ପ୍ରଶାସନ ପକ୍ଷରୁ ଚାରୋଟି ଟିମ ଘଟଣାର ତଦନ୍ତ ଜାରି ରଖିଥିବା ପୁରୀ ଏସପି କେ. ବିଶାଲ ସିଂ ସୂଚନା ଦେଇଥିବା ବେଳେ ଘଟଣାକୁ ଗୁରୁତର ସହ ନିଆଯାଇଛି ବୋଲି ଜିଲ୍ଲାପାଳ ସମର୍ଥ ବର୍ମା ସୂଚନା ଦେଇଛନ୍ତି ।
