ପୁରୀ : ହାସ୍ୟ ଅଭିନେତା କପିଲ ଶର୍ମା ଆଜି ପୁରୀ ଆସି ଶ୍ରୀମନ୍ଦିରରେ ମହାପ୍ରଭୁଙ୍କ ଦର୍ଶନ ଲାଭ କରିଛନ୍ତି । ତେବେ ସେ ପ୍ରଥମ ଥର ପାଇଁ ଆସି ମହାପ୍ରଭୁଙ୍କ ଦର୍ଶନ ପାଇ ଥିବାରୁ ସେ ବେଶ ଖୁସି ଥିବା କହିଛନ୍ତି । କପିଲ ଶର୍ମା ଶ୍ରୀମନ୍ଦିର ସିଂହଦ୍ୱାର ନିକଟରେ ପହଂଚିବା ପରେ ସେବାୟତମାନେ ତାଙ୍କୁ ସ୍ୱାଗତ କରିଥିଲେ । କପିଲ ମହାପ୍ରଭୁଙ୍କ ଦର୍ଶନ ପରେ ଶ୍ରୀମନ୍ଦିର ବେଢ଼ା ଭିତରେ ବୁଲିବା ସହ ବିଭିନ୍ନ ପାର୍ଶ୍ୱ ଦେବାଦେବୀ ମନ୍ଦିର ଯାଇ ଦର୍ଶନ ସହ ପୂଜା କରିଥିଲେ । ସେ ଶ୍ରୀଜୀଉଙ୍କ ଦର୍ଶନ କରି ବେଶ ପ୍ରସନ୍ନ ଅନୁଭବ କରିଥିଲି କହିଛନ୍ତି । ଅନ୍ୟପଟେ ଶ୍ରୀ ମନ୍ଦିରରେ କପିଲ ଶର୍ମା ଙ୍କୁ ଦେଖିବା ପାଇଁ ତାଙ୍କ ପ୍ରଶଂସକ ବେଶ ଭିଡ଼ ହୋଇଥିଲା ।
