ବୁଥ ସାମ୍ନାରେ ଯୁବକଙ୍କୁ ଛୁରାମାଡ଼

ଭଦ୍ରକ: ପଞ୍ଚାୟତ ନିର୍ବାଚନ ଭଳି ପୌରଭୋଟରେ ବି ହିଂସାକାଣ୍ଡ ଦେଖିବାକୁ ମିଳିଛି । ଏହାରି ଭିତରେ ବୁଥ ସାମ୍ନାରେ ଜଣେ ଯୁବକଙ୍କୁ ଛୁରାମାଡ଼ କରାଯିବା ଭଳି ଏକ ଅଭାବନୀୟ ଘଟଣା ଘଟିଛି । ଭଦ୍ରକ ଜିଲ୍ଲା ଧାମନଗର ଏନଏସିର ୯ ନଂ ୱାର୍ଡ ଅନ୍ତର୍ଗତ ୧୬ ନମ୍ବର ବୁଥ ଆଗରେ ଏଭଳି ଘଟଣା ଘଟିଛି । ଭୋଟ ଦେବାକୁ ନେଇ ବଚସା ପରେ ଯୁବକଙ୍କୁ ଛୁରାମାଡ଼ ହୋଇଛି । ଏଥିରେ ଯୁବକ ଜଣକ ଗୁରୁତର ଆହତ ହୋଇଛନ୍ତି । ତାଙ୍କୁ ଉଦ୍ଧାର କରାଯାଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ତେବେ ଛୁରାମାଡ଼ ପ୍ରତିବାଦରେ ଲୋକମାନେ ରାସ୍ତାରୋକ କରିଛନ୍ତି ।