କଣ୍ଟାବାଞ୍ଜି : କଣ୍ଟାବାଞ୍ଜି ପୌର ନିର୍ବାଚନୀ ହିଂସାରେ ୱାର୍ଡ ନଂ ୧୫ ବିଜେଡି ପ୍ରାର୍ଥିନୀ ପିଙ୍କି ଖରସେଲ ସହ ଜଣେ ମହିଳା ଭୋଟର ଆହତ ହୋଇଛନ୍ତି । ସୂଚନା କ୍ରମେ କଂଗ୍ରେସ ସମର୍ଥକଙ୍କ ମନମୁଖୀ କାର୍ଯ୍ୟକୁ ବିରୋଧ କରିଥିବାରୁ ୱାର୍ଡ ନଂ ୧୫ ବିଜେଡି ପ୍ରାର୍ଥୀନୀ ପିଙ୍କି ଖର୍ସଲକୁ ଆକ୍ରମଣ କରିଥିଲେ କଂଗ୍ରେସ ସମର୍ଥକ । ଯାହାଫଳରେ ବିଜେଡି ପ୍ରାର୍ଥିନୀ ଆହତ ହୋଇଛନ୍ତି । କଂଗ୍ରେସ ସମର୍ଥକଙ୍କ ଆକ୍ରୋଶରେ ସାଧରଣ ମହିଳା ଭୋଟର ମଧ୍ୟ ଆହତ ହୋଇଛନ୍ତି । ଯାହାକୁ ନେଇ ବିଜେଡି କର୍ମୀ ବିରୋଧ ପ୍ରଦର୍ଶନ କରିଥିଲେ । ଘଟଣା ସ୍ଥଳକୁ ଏସଡିପିଓ ଋଷିକେଶ ମେହେର ଓ ଆଇଆଇସି ସତ୍ୟଜିତ କାଣ୍ଡେଲକର ପହଂଚି ସ୍ଥିତିକୁ ନିୟନ୍ତ୍ରଣ କରିଥିଲେ । ସେନସିଟିବ ବୁଥ ରହିଥିବାରୁ ପୋଲିସ ସୁରକ୍ଷା କଡା କରାଯାଇଥିଲା ଓ ଭୋଟ ସମୟ ସମାପ୍ତି ପର୍ଯ୍ୟନ୍ତ କଡା ସୁରକ୍ଷାରେ ସେନସିଟିବ ବୁଥରେ ଆଇଆଇସି ସତ୍ୟଜିତ କାଣ୍ଡେଲକର ନଜର ରଖିଥିଲେ ।
