ଚଣ୍ଡିଖୋଲ : ଯାଜପୁର ଜିଲ୍ଲା ଜିଲ୍ଲାପରିଷଦ ଉପାଧ୍ୟକ୍ଷ ନିର୍ବାଚନରେ ନିଦ୍ୱର୍ନ୍ଦରେ ନିର୍ବାଚିତ ହେଲେ ବଡଚଣା ୧୭ ନଂ ଜିଲ୍ଲାପରିଷଦ ସଭ୍ୟ ଗଣେଶ୍ୱର ବରାଳ । ଶୁକ୍ରବାର ଜିଲ୍ଲାପରିଷଦ ନିର୍ବାଚନ ପାଇଁ ସମସ୍ତ ନିର୍ବାଚିତ ପ୍ରତିନିଧି ଏହି ପ୍ରକ୍ରିୟାରେ ଯୋଗଦେଇ ଥିଲେ । ଉପାଧ୍ୟକ୍ଷ ପଦ ବଡଚଣା ପାଇଁ ଜିଲ୍ଲା ନେତୃତ୍ୱ ସ୍ଥିର କରିଥିବା ବେଳେ କିଏ ଏହି ପଦବୀ ପାଇବ ଦ୍ୱନ୍ଦ ଲାଗିଥିଲା । ସଭ୍ୟ ଅରବିନ୍ଦ ସାମଲ, ଗଣେଶ୍ୱର ବରାଳ ଓ ଯଚିନ୍ଦ୍ର ନାୟକ ମଧ୍ୟରୁ କାହାକୁ ଏହି ପଦ ଯିବ ବିଧାୟକ ଦ୍ୱନ୍ଦରେ ରହିଥିଲେ । ଏହି ପଦବୀ ପ୍ରମୁଖ ଦାବିଦାର ହେବାକୁ ଚିନ୍ତା କରୁଥିବା ଅରବିନ୍ଦଙ୍କୁ ଉପାଧ୍ୟକ୍ଷ ପଦ ନମିଳିବାରୁ ସେ ନିର୍ବାଚନ ପ୍ରକ୍ରିୟାରୁ ଦୂରେଇ ରହିଥିଲେ । ଏଠାରେ ପ୍ରଶ୍ନ ଉଠେ ଦଳର ନିଷ୍ପତ୍ତି ଅନୁଯାୟୀ ଗଣେଶ୍ୱର ଉପାଧ୍ୟକ୍ଷ ହୋଇଥିଲେ । କିନ୍ତୁ ବ୍ଲକର ସଭାପତି ଦାୟିତ୍ୱରେ ରହିବା ସହ ଜିଲ୍ଲାପରିଷଦ ଭାବେ ନିର୍ବାଚିତ ହୋଇଥିଲେ ବି ଏଥିରେ ଯୋଗ ନଦେବା ଦଳୀୟ ଶୃଙ୍ଖଳା ଭଙ୍ଗ କରିଥିବା କେତେକ ନେତା ଅଭିଯୋଗ କରିଛନ୍ତି । ତେବେ ଆଗକୁ ଦଳର ତଥା ବିଧାୟକଙ୍କ ଆଭିମୁଖ୍ୟ କ’ଣ ରହୁଛି ତାହା ସମୟ କହିବ ।
