ବାଲିଗୁଡ଼ା :ଦାରିଙ୍ଗବାଡ଼ି ବ୍ଲକ ସମିତି ଅଧ୍ୟକ୍ଷ ଭାବେ ଶୁକ୍ରବାର ଶ୍ରାନିକେତା ସମିତିସଭ୍ୟ ସୁଶାନ୍ତ ପ୍ରଧାନ ବ୍ଲକ କାର୍ଯ୍ୟାଳୟ ଠାରେ ଦାୟିତ୍ୱ ଗ୍ରହଣ କରିଛନ୍ତି । ଏଥିସହିତ ବ୍ଲକ ଉପାଧ୍ୟକ୍ଷା ସସ୍ମିତା ପ୍ରଧାନ ମଧ୍ୟ ଦାୟିତ୍ୱ ଗ୍ରହଣ କରିଥିଲେ । ଏହି ଅବସରରେ ବ୍ଲକ ପ୍ରଶାସନ ତରଫରୁ ନୂତନ ଅଧ୍ୟକ୍ଷଙ୍କୁ ସ୍ୱାଗତ ସମ୍ବର୍ଦ୍ଧନା କରାଯାଇଥିଲା । ଦାରିଙ୍ଗବାଡ଼ି ବିଡିଓ ନୂତନ ଅଧ୍ୟକ୍ଷଙ୍କୁ ପୁଷ୍ପଗୁଚ୍ଛ ପ୍ରଦାନ କରି ସ୍ୱାଗତ ଜଣାଇବା ସହିତ ସମସ୍ତ ନବ ନିର୍ବାଚିତ ସମିତିସଭ୍ୟ/ସଭ୍ୟାଙ୍କୁ ସ୍ୱାଗତ ଜଣାଇ ଆଗାମୀ ୫ବର୍ଷ କିଭଳି ଭାବେ ବ୍ଲକକୁ ସୁଚାରୁରୂପେ ଆଗକୁ ନେବା ସହ ବ୍ଲକର ବିକାଶ ହେବ ସେ ନେଇ ଆଲୋଚନା କରିଥିଲେ । ଏହି ସମୟରେ ବିଧାୟକ ପ୍ରତିନିଧି ଦୀପକ କୁମାର ସାହୁଙ୍କ ସମେତ ସିମନ ବାଡି ସମିତିସଭ୍ୟ ସାଧୁନାୟକ, ଦାରିଙ୍ଗବାଡ଼ି ସମିତିସଭ୍ୟ କାଳୀ ପ୍ରସାଦ ମଲ୍ଲିକଙ୍କ ସମେତ ସମସ୍ତ ୨୫ଟି ପଂଚାୟତର ନବନିର୍ବାଚିତ ସରପଞ୍ଚ ସମିତିସଭ୍ୟ/ସଭ୍ୟା ଓ ନାଏବ ସରପଞ୍ଚ ମାନେ ଉପସ୍ଥିତ ରହିଥିଲେ ।
