ବାଲିଗୁଡ଼ା:ପୌର ନିର୍ବାଚନରେ ପୁଣି ବିଜେଡ଼ିର ବାଜିମାତ୍ । କନ୍ଧମାଳ ଜିଲ୍ଲା ବାଲିଗୁଡ଼ା ବିଜ୍ଞାପିତ ଅଞ୍ଚଳ ପରିଷଦରେ ବିଜେଡ଼ି କରିଛି ବିପୁଳ ବିଜୟ । ବ୍ଲକ୍ ସଭାପତି ଟୁନା ଦାସଙ୍କ ନେତୃତ୍ୱରେ ବାଲିଗୁଡ଼ା ବିଜେଡ଼ି ଅଧ୍ୟକ୍ଷ ପଦବୀ ସମେତ ୧୧ଟି ୱାର୍ଡ ଦଖଲ କରିଛି । ବ୍ଲକ୍ ସଭାପତି ଟୁନା ଦାସ ଓ ବିଧାୟକ ଚକ୍ରମଣି କହଁର ସମସ୍ତ ବିଜୟୀ ପ୍ରାର୍ଥୀଙ୍କୁ ସାଙ୍ଗରେ ଧରି ବିଶାଳ ଶୋଭାଯାତ୍ରାରେ ବାହାରି ସମସ୍ତ ୱାର୍ଡ ବୁଲି ଭୋଟରମାନଙ୍କୁ ଧନ୍ୟବାଦ ଜଣାଇବାସହ ବାଲିଗୁଡ଼ା ସହରରେ ବିଜୟ ଉତ୍ସବ ପାଳୁଛି ବିଜେଡ଼ି । ଏହି ବିଜୟ ଆମର ନୁହେଁ ଏହି ବିଜୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପ୍ରତି ଭରଷା କରିଥିବା ବାଲିଗୁଡ଼ା ସହରର ଅଗଣିତ ଭୋଟରଙ୍କ ବିଜୟ । ପୁଣିଥରେ ଆମେ ବାଲିଗୁଡ଼ା ସହରରେ ବିକାଶ ଧାରା ଜାରିରଖିବା ଏବଂ ବାଲିଗୁଡ଼ା ସହରର ସର୍ବାଙ୍ଗିନ ବିକାଶ କିଭଳି କିଭଳି ହେବ ସେଥିପ୍ରତି ଦୃଷ୍ଟି ଦେବା ବୋଲି କହିଛନ୍ତି ବାଲିଗୁଡ଼ା ବିଧାୟକ ଚକ୍ରମଣି କହଁର ଓ ବ୍ଲକ୍ ସଭାପତି ଟୁନା ଦାସ । ବାଲିଗୁଡ଼ା ବିଜ୍ଞାପିତ ଅଞ୍ଚଳ ପରିଷଦରେ ସମୁଦାୟ ୧୩ଟି ୱାର୍ଡ ମଧ୍ୟରୁ ବିଜେଡ଼ି ୧୧ ୱାର୍ଡ ଓ କଂଗ୍ରେସ ଦୁଇଟି ୱାର୍ଡ ଦଖଲ କରିଥିବା ବେଳେ ବିଜେପି ଖାତା ଖୋଲି ପାରିଲାନାହିଁ । ଦୁଇ ଦୁଇଟି ଜାତୀୟ ଦଳକୁ ପଛରେ ପକାଇ ବିଜେଡ଼ି ଏକ ନମ୍ବର ସ୍ଥାନ ଅଧିକାର କରିଛି ।
