ମୁମ୍ବାଇ : ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ବିସ୍ଫୋରକ ବ୍ୟାଟ୍ସମ୍ୟାନ୍ ଗ୍ଲେନ୍ ମ୍ୟାକ୍ସୱେଲ ତାଙ୍କ ବିବାହ ସମାପ୍ତ କରିବା ପରେ ଭାରତରେ ପହଞ୍ଚିଛନ୍ତି । ଏ ସଂପର୍କରେ ଫ୍ରାଞ୍ଚାଇଜ୍ ସୋସିଆଲ ମିଡିଆ ମାଧ୍ୟମରେ ସୂଚନା ଦେଇଛି । ମ୍ୟାକ୍ସୱେଲ ନିୟମିତ କ୍ୱାରେଣ୍ଟାଇନ ସମାପ୍ତ କରିବା ପରେ ହିଁ ଅଭ୍ୟାସ ଆରମ୍ଭ କରିବାକୁ ସକ୍ଷମ ହେବେ । ଫାଫ୍ ଡୁ ପ୍ଲେସିସ୍ ନେତୃତ୍ୱାଧୀନ ଦଳ ଏପ୍ରିଲ୍ ୫ ରେ ରାଜସ୍ଥାନ ରୟାଲ୍ସ ବିପକ୍ଷ ପରବର୍ତ୍ତୀ ମ୍ୟାଚ୍ ଖେଳିବାର କାର୍ଯ୍ୟକ୍ରମ ରହିଛି କିନ୍ତୁ ସେ ଏହି ମ୍ୟାଚ୍ ପାଇଁ ଚୟନ ପାଇଁ ଉପଲବ୍ଧ ହେବେ ନାହିଁ । କ୍ରିକେଟ୍ ଅଷ୍ଟ୍ରେଲିଆ ପୂର୍ବରୁ ଘୋଷଣା କରିଛି ଯେ ସମସ୍ତ ଅଷ୍ଟ୍ରେଲୀୟ ଖେଳାଳି ୬ ଏପ୍ରିଲରୁ ଆଇପିଏଲ୍ ଖେଳିବା ପାଇଁ ଉପଲବ୍ଧ ହେବେ । ମ୍ୟାକ୍ସୱେଲ ଏପ୍ରିଲ ୧ ରେ ଭାରତରେ ପହଞ୍ଚିଛନ୍ତି ଏବଂ ନିୟମ ଅନୁଯାୟୀ ତାଙ୍କୁ ତିନି ଦିନ ପାଇଁ କ୍ୱାରେଣ୍ଟାଇନରେ କଟାଇବାକୁୁ ପଡିବ । ସେ ନିଜର ଅଭ୍ୟାସ ୪ ଏପ୍ରିଲରୁ ଆରମ୍ଭ କରିବେ, କିନ୍ତୁ କ୍ରିକେଟ୍ ଅଷ୍ଟ୍ରେଲିଆର ଆଦେଶ ହେତୁ ସେ ୫ ଏପ୍ରିଲରେ ରାଜସ୍ଥାନ ରୟାଲ୍ସ ବିପକ୍ଷ ମ୍ୟାଚ୍ ପାଇଁ ଉପଲବ୍ଧ ହେବେ ନାହିଁ । ଏହାର ଅର୍ଥ ହେଉଛି, ମ୍ୟାକ୍ସୱେଲ ୯ ଏପ୍ରିଲରେ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ତାଙ୍କର ପ୍ରଥମ ମ୍ୟାଚ୍ ଖେଳିବେ ।
