ଦେବଗଡ଼ : ତିଳେଇବଣି ବ୍ଲକ ଅନ୍ତର୍ଗତ ବରଘାଟ ଗ୍ରମାରେ ଗତକାଲି ବି,ମ୍ବିତ ରାତିରେ କୁକୁରପଲ ଆକ୍ରମଣରେ ମୃତ୍ୟୁ ହୋଇଛି । ସୂଚନା ମୁତାବକ ଗତକାଲି ବିଳମ୍ବିତ ରାତିରେ ବରଘାଟ ଗ୍ରାମକୁ ତିଳେଇବଣି ସଂରକ୍ଷିତ ଜଂଙ୍ଗଲରୁ ଏକ ହରିଣ ବାଟବଣାହୋଇ ଚାଲିଆସିଥିଲା । ଫଳରେ ଗ୍ରାମରେ ଥିବା କୁକୁର ପଲ ହରିଣକୁ ଦେଖି ବୋବାଳି ଛାଡ଼ି ଆକ୍ରମଣ କରିଥିଲେ । ଏହି ସମୟରେ କିଛି ଗ୍ରାମବାସୀ କୁକୁରପଲରୁ ହରିଣକୁ ଉଦ୍ଧାର କରି ପ୍ରାଥମିକ ଚିକିତ୍ସା କରି ବନବିଭାଗକୁ ଖବର ଦେଇଥିଲେ । ଖବର ପାଇ ଡ଼ି.ଏଫ୍.ଓ କ୍ଷମା ଷଡ଼ଙ୍ଗୀଙ୍କ ନିର୍ଦ୍ଦେଶରେ ଦେବଗଡ଼ ଫରେଷ୍ଟ ରେଞ୍ଜ ଅଫିସର ଦେବବ୍ରତ ନନ୍ଦ ଏବଂ ତିଳେଇବଣି ସେକ୍ସନ ଅଫିସର ସୁଧାଂଶୁ ବେହେରା ଘଟଣା ସ୍ଥଳରେ ପହଂଚି ଅହେତ ହରିଣକୁ ଉଦ୍ଧାର କରି ଚିକିତ୍ସା ପାଇଁ ଦେବଗଡ଼ ପ୍ରାଶୀଧନ ଚିକିତ୍ସା କେନ୍ଦ୍ରକୁ ଆଣିଥିବାବେଳେ ସକାଳେ ହରିଣଟିର ମୃତ୍ୟୁ ହୋଇଯାଇଥିବା ଜଣାପଡ଼ିଛି । ଫଳରେ ବନବିଭାଗ ପକ୍ଷରୁ ଏକ ମାମଲା ଋଜ୍ଜୁକରାଯାଇ ମୃତ ହରିଣଟିର ଶବ ବ୍ୟବଚ୍ଛେଦ କରାଯାଇଥିବା ଜଣାଯାଇଛି ।
