ସମ୍ବଲପୁର : ଓଡ଼ିଶା ହାଇକୋର୍ଟ ଜଜ ଅରିନ୍ଦମ ସିହ୍ନା ସମ୍ବଲପୁର ଗସ୍ତରେ ଆସି ଜିଲ୍ଲା ଓକିଲ ସଂଘର ତଦାରଖ କରିଛନ୍ତି । ହାଇକୋର୍ଟ ପକ୍ଷରୁ ତାଙ୍କୁ ସମ୍ବଲପୁର ଜିଲ୍ଲା ପ୍ରଭାରୀ ଦାୟିତ୍ୱ ଦିଆଯାଇଛି । ଏହି ସଂକ୍ରାନ୍ତରେ ସେ ଏଠାକାର ଓକିଲମାନଙ୍କ ସହିତ ମିଶି ଆଲୋଚନା କରିଥିଲେ । ସମ୍ବଲପୁର ଜିଲ୍ଲାର ପ୍ରଭାରୀ ରୂପେ ଦାୟିତ୍ୱ ଗ୍ରହଣ କଲାପରେ ସେ ଏଠାକୁ ପ୍ରଥମ ଥର ପାଇଁ ଆସିଛନ୍ତି । ଏଠାରେ ଜିଲ୍ଲା ଓକିଲ ସଂଘର ସଭ୍ୟମାନଙ୍କ ସହିତ ଆଲୋଚନା ସମୟରେ ଏଠାକାର ବିଭିନ୍ନ ସମସ୍ୟା ବିଷୟରେ ତାଙ୍କୁ ଅବଗତ କରାଯାଇଥିଲା ଓ ସେଗୁଡିକ ସେ ଧୈର୍ଯ୍ୟର ସହିତ ଶୁଣିଲେ ତଥା ସେବିଷୟରେ ଯଥା ସମ୍ଭବ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବା ଆଶ୍ୱାସନା ଦେଇଛନ୍ତି । ଏହି ଅବସରରେ ସମ୍ବଲପୁର ଜିଲ୍ଲା ଓକିଲ ସଂଘ ପକ୍ଷରୁ ସଭାପତି ସୁରେଶ୍ୱର ମିଶ୍ର ଅଙ୍ଗବସ୍ତ୍ର ଦେଇ ତାଙ୍କୁ ସମ୍ମାନିତ କରିଥିଲେ ।
