ଭୁବନେଶ୍ୱର : ପ୍ରବାସୀ ଓଡିଆଙ୍କ ଆଗମନ ବଢିଚାଲିଛି । ଏପଟେ ରାଜ୍ୟରେ ତାଳ ଦେଇ କରୋନା ପଜିଟିଭ ଗ୍ରାଫ୍ ମଧ୍ୟ ଉପରମୁହାଁ ହୋଇଛି । ଆଜି ସକାଳୁ ପୁଣି ୪୮ ନୂଆ ପଜିଟିଭ୍ ଚିହ୍ନଟ ହୋଇଛନ୍ତି ରାଜ୍ୟରୁ । ଏମାନଙ୍କୁ ମିଶାଇ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୬୭୨ରେ ପହଞ୍ଚିଛି । ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ଗଞ୍ଜାମ ଜିଲ୍ଲାରୁ ୧୨, ବାଲେଶ୍ୱରରୁ ୧୨, ଭଦ୍ରକରୁ ୬, ପୁରୀରୁ ୧୦, ନୟାଗଡରୁ ୩, ଯାଜପୁରରୁ ୨, ସୁନ୍ଦରଗଡ, କଟକ, ଦେବଗଡ ଜିଲ୍ଲାରୁ ଜଣେ ଲେଖାଏଁ ରହିଛନ୍ତି । ଏ ସଂପର୍କିତ ସୂଚନା ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି । ସୂଚନାଯୋଗ୍ୟ ଯେ, ରାଜ୍ୟରେ ଏପର୍ଯ୍ୟନ୍ତ ଏହି ବିଶ୍ୱ ମହାମାରୀ ରୋଗରେ ୩ଜଣଙ୍କର ଜୀବନ ଯାଇଥିବା ବେଳେ ୧୫୮ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ସେହିପରି ୫୧୧ଜଣ ଏବେ ମଧ୍ୟ ବିଭିନ୍ନ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।
