ଭୁବନେଶ୍ୱର : କରୋନା ପାଇଁ ଓଡିଶାରେ ଏବେ ଭୟର ବାତାବରଣ ସୃଷ୍ଟି ହୋଇଛି । ପ୍ରତିଦିନ ପୁଳାପୁଳା କରୋନା ପଜିଟିଭ ମିଳୁଥିବାରୁ ଏବଂ ଗୋଟିଏ ପରେ ଗୋଟିଏ ଜିଲ୍ଲା କରୋନା କବଳରେ କବଳିତ ହେଉଥିବାରୁ ଏହି ଭୟ ରାଜ୍ୟବାସୀଙ୍କୁ ମନରୁ ଛାଡି ନାହିଁ । ଏଭଳି ସ୍ଥିତିରେ ରାଜ୍ୟରେ କରୋନା ଆକ୍ରାନ୍ତ ସୁସ୍ଥ ହେବାର ଖବର ମିଳିଲେ ତାହାକୁ ଭଲ ଖବର ପ୍ରକାଶ କରାଯାଉଛି । ଏହି କ୍ରମରେ ଆଜି ରାଜ୍ୟରେ ପୁଣି ୮ଜଣ ସୁସ୍ଥ ହୋଇଛନ୍ତି । ସୁସ୍ଥ ଆକ୍ରାନ୍ତଙ୍କ ମଧ୍ୟରେ ଯାଜପୁରରୁ ୪, ଭଦ୍ରକର୨, ବାଲେଶ୍ୱର ଓ କେନ୍ଦୁଝରର ଜଣେ ଲେଖାଏଁ ଅଛନ୍ତି । ଏହି ୮ଜଣଙ୍କୁ ମିଶାଇ ରାଜ୍ୟରେ ଏ ପର୍ଯ୍ୟନ୍ତ ମୋଟ ୧୬୬ଜଣ ଆକ୍ରାନ୍ତ ସୁସ୍ଥ ହେଲେଣି ।
