ଗଜପତି,୨୮/୫- ଗଜପତି ଜିଲ୍ଲା ପାରଳାଖେମୁଣ୍ଡି ରାଧାମୋହନ ମନ୍ଦିର ଠାରେ ଆଜି କିଷାନ ପାଣି ପଞ୍ଚାୟତ ତରଫରୁ କର୍ମକର୍ତ୍ତା ଚୟନ ଏବଂ ନିର୍ବାଚନ ଅନୁଷ୍ଠିତ ହୋଇଯାଇଛି । ସୂର୍ଯ୍ୟ ନାରାୟଣ ପଟ୍ଟନାୟକଙ୍କ ସଭାପତିତ୍ୱରେ ଏହି କାର୍ଯ୍ୟକ୍ରମର ଆୟୋଜନ କରାଯାଇଥିବା ବେଳେ କିଷାନ ପାଣି ପଞ୍ଚାୟତର ସମସ୍ତ ସଦସ୍ୟମାନେ ଉପସ୍ଥିତ ଥିଲେ । ଏହି ଆଲୋଚନା ବୈଠକରେ ଚାଷୀଙ୍କ ବିଭିନ୍ନ ସମସ୍ୟାଗୁଡିକୁ ନେଇ ଆଲୋଚନା କରାଯାଇଥିବାବେଳେ ଚାଷ ପାଇଁ ଜଳଯୋଗାଣ, ଉପଯୁକ୍ତ ସମୟରେ ବିହନ ଏବଂ ସାର ଯୋଗାଇବା ଆଦି ବିଷୟକୁ ନେଇ ଆଲୋଚନା କରାଯାଇଥିଲା । ଏହି ଅବସରରେ କିଷାନ ପାଣି ପଞ୍ଚାୟତ ପକ୍ଷରୁ ଏକ ନିର୍ବାଚନୀ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ଏହି ନିର୍ବାଚନରେ ସଭାପତି ଭାବେ ସୂର୍ଯ୍ୟନାରାୟଣ ପଟ୍ଟନାୟକ, ସମ୍ପାଦକ ରୁପେ ଏଡେଲା ରାମୁଲୁ ଏବଂ କୋଷାଧ୍ୟକ୍ଷ ଭାବେ ଏନ୍ ସତିଶ କୁମାର ଏହି ନିର୍ବାଚନର ମନୋନୀତ ହୋଇଥିଲେ । ଏହି କାର୍ଯ୍ୟକ୍ରମରେ ବହୁ ଚାଷୀ ଉପସ୍ଥିତ ରହି ନିଜ ନିଜ ମତ ପୋଷଣ କରିଥିଲେ ।
