ଗଜପତି,୨/୬:- ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ଠାରେ ଥିବା ଉଦ୍ୟାନ କୃଷି ଉପ ନିର୍ଦ୍ଦେଶକଙ୍କ କାର୍ଯ୍ୟାଳୟରେ ନୂତନ ଉଦ୍ୟାନ କୃଷି ଉପ ନିର୍ଦ୍ଦେଶକ ଭାବେ ଡକ୍ଟର ସୁଶାନ୍ତ ରଞ୍ଜନ ଦାଶ ଆଜି ଦାୟିତ୍ୱ ଗ୍ରହଣ କରିଛନ୍ତି । ସହକାରୀ କୃଷି ଉପ ନିର୍ଦ୍ଦେଶକ ପ୍ରଶାନ୍ତ କୁମାର ପାତ୍ର ପୁଷ୍ପଗୁଚ୍ଛ ଦେଇ ସ୍ୱାଗତ କରିଥିଲେ । ତତ୍ ସଙ୍ଗେସଙ୍ଗେ କାର୍ଯ୍ୟାଳୟର ଇଂଜିନିୟର ଶୁଭଶ୍ରୀ ପ୍ରିୟଦର୍ଶନୀ, ବରିଷ୍ଠ କିରାଣୀ ପ୍ରସନ୍ନ କୁମାର ପଣ୍ଡା, କୋଷାଧ୍ୟକ୍ଷ ଶଙ୍କର ପ୍ରସାଦ ବେହେରା, କନିଷ୍ଠ କିରାଣୀ ସଂଯୁକ୍ତା ପାଢ଼ୀ, ସୁଶାନ୍ତ ମହାପାତ୍ର, ମାଧବ ରଇତ ପ୍ରମୁଖ ପୁଷ୍ପଗୁଚ୍ଛ ଦେଇ ସ୍ୱାଗତ ଜଣାଇଥିଲେ । ପ୍ରକାଶଥାଉକି ଏଠାରେ କାର୍ଯ୍ୟରତ ଥିବା ଉଦ୍ୟାନ କୃଷି ଉପ ନିର୍ଦ୍ଦେଶକ କେ.ସୁଦର୍ଶନ ପଦୋନ୍ନତି ପାଇ ଭୁବନେଶ୍ୱରରେ ଯୁଗ୍ମ ନିର୍ଦ୍ଦେଶକ ପଦବୀ ପାଇବା ପରେ ଏହି କାର୍ଯ୍ୟାଳୟରେ ଉଦ୍ୟାନ ଉପ-ନିର୍ଦ୍ଦେଶକ ପଦବୀଟି ଖାଲି ପଡିଥିଲା । ଆଜି ଉଦ୍ୟାନ କୃଷି ଉପ ନିର୍ଦ୍ଦେଶକ ଭାବେ ଡକ୍ଟର ସୁଶାନ୍ତ ରଞ୍ଜନ ଦାଶ ଦାୟିତ୍ୱ ଗ୍ରହଣ କରିଥିବାରୁ ଚାଷୀମହଲରେ ଖୁସିର ଲହରୀ ଖେଳିଯାଇଛି ଏବଂ ରାଜ୍ୟ ସରକାର ତୁରନ୍ତ ପଦକ୍ଷେପ ନେଇଥିବାରୁ ଚାଷିକୂଳ ଧନ୍ୟବାଦ ଜଣାଇଛନ୍ତି ।
