ଦଶପଲ୍ଲା : – ଦଶପଲ୍ଲା ଥାନାର ଲୋକପ୍ରୀୟ ଥାନାଧିକାରୀ ଜୟପ୍ରକାଶ ପରିଡା ପାଇଲେ ପଦୋନ୍ନତି । ଗତ ୨୧.୫. ୨୦୨୧ ରେ କାର୍ଯ୍ୟ ଭାର ଗ୍ରହଣ କରି ମାତ୍ର ୧ବର୍ଷ ସମୟର ରହଣି ପରେ ଏବେ ତାଙ୍କର ଇନିସପେକ୍ଟର ପଦବୀକୁ ପଦୋନ୍ନତି ହେବା ସହ ଖୋର୍ଦ୍ଧା ଜିଲ୍ଲାକୁ ବଦଳି ହୋଇଛି । କିନ୍ତୁ ତାଙ୍କ ସ୍ଥାନରେ କିଏ ଆସିବେ ବର୍ତ୍ତମାନ ସୁଦ୍ଧା ପୋଲିସ ପ୍ରଶାସନ ପକ୍ଷରୁ ଜଣା ଯାଇନାହିଁ । ସେ ଦଶପଲ୍ଲାରେ ରହିବା ଅବଧି ମଧ୍ୟରେ ଦୁଇ ଦୁଇଟି ନିର୍ବାଚନ ସମେତ ଦଶପଲ୍ଲା ଲଂକାପୋଡି ଯାତ୍ରାର ସୁପରିଚାଳନା କରି ଜନ ସାଧାରଣଙ୍କର ପ୍ରିୟପାତ୍ର ହେବା ସହିତ ତାଙ୍କ ସରଳ ଅମାୟିକ ବ୍ୟବହାରରେ ସମସ୍ତଙ୍କର ମନ ଜିଣି ପାରିଥିଲେ । ତାଙ୍କ କାର୍ଯ୍ୟକାଳ ମଧ୍ୟରେ ଚୋରା ବ୍ୟବସାୟୀ, ଗୋରୁ ବେପାରୀ, ଗଂଜେଇ ମାଫିଆଙ୍କ ନିଦ ହଜାଇ ଦେଇଥିଲେ ଜୟପ୍ରକାଶ ପରିଡା । ଦଶପଲ୍ଲା ଭଳି ଏକ ଗୁରୁତ୍ୱପୂର୍ଣ୍ଣ ସ୍ଥାନରେ ତୁରନ୍ତ ଜଣେ ଅଭିଜ୍ଞ ଆଇଆଇସି ନିଯୁକ୍ତି ଦେବାକୁ ସର୍ବସାଧାରଣରେ ଦାବି ହେଉଛି ।
