ନୟାଗଡ଼: ଆକ୍ସନ ମୋଡ୍ରେ ନୟାଗଡ଼ ବନଖଣ୍ଡ ଅଧିକାରିଣୀ କ୍ଷମା ଷଡ଼ଙ୍ଗୀ । କାଠ ମାଫିଆଙ୍କ ନିଦ ହଜାଇସାରିଲେଣି । ଗତ କିଛି ଦିନ ଧରି ବିଭିନ୍ନ ସ୍ଥାନରେ ଚଢାଉ କରାଯାଇ ବିପୁଳ ପରିମାଣର କାଠ ଜବତ କରାଯାଇଛି । ପଞ୍ଚିରିଡା ରେଞ୍ଜ ଓ ମହିପୁର ରେଞ୍ଜ ପକ୍ଷରୁ ଚଢାଉ କରାଯାଇ କାଠ ଓ ପଟ୍ଟା ଜବତ କରାଯାଇଛି । ଲେଙ୍କୁଡିପଡାରୁ ୪୨ ସିପ୍ଟ କାଠ, ଖେଡପଡାରୁ ୪ ସିପ୍ଟ କାଠ, ଡିମିସରରୁ ୩୯ ସିପ୍ଟ କାଠ ଓ ଲୁଣିସରାରୁ ୫୨ ସିପ୍ଟ କାଠ ଜବତ କରାଯାଇଛି । ବିଭିନ୍ନ ରେଞ୍ଜର ବନାଞ୍ଚଳ ଅଧିକାରୀମାନଙ୍କ ତତ୍ତ୍ୱାବଧାନରେ ବିପୁଳ କାଠ ଜବତ କରାଯାଇଛି ବୋଲି ନୟାଗଡ ବନଖଣ୍ଡ ଅଧିକାରିଣୀ କ୍ଷମା ଷଡଙ୍ଗୀ ସୂଚନା ଦେଇଛନ୍ତି । ବନଖଣ୍ଡ ଅଧିକାରିଣୀ ଏଭଳି ଆକ୍ସନ ଦେଖି ସକ୍ରୀୟ କାଠ ମାଫିଆମାନଙ୍କ ନିଦ ହଜିଯାଇଥିବା ଜଣାପଡିଛି ।
