ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡିର ଜଣେ ସମାଜସେବୀ ପ୍ରଦୀପ ବୁଜ୍ଜି ତାଙ୍କର ଜନ୍ମ ଦିନରେ ସହରର 6 ନମ୍ବର ୱାଡ଼ର ଗରିବ ଓ ଅସହାୟଙ୍କୁ ପନି ପରିବା ବଣ୍ଟନ କରିଛନ୍ତି। ଲକଡାଉନ ସମୟରେ ଗରିବ ଓ ଅସହାୟ ନିଜର ଗୁଜରାଣ ମେଣ୍ଟାଇବା ସକାଶେ ଅତି ଆବଶ୍ୟକ ସାମଗ୍ରୀ ଦରକାର ପଡୁ ଥିବାରୁ କିଛି ଗରିବ ଅସହାୟଙ୍କୁ ପନି ପରିବା ଦେଇ ସହଯୋଗର ହାତ ବଢ଼ାଇଛନ୍ତି ।ପ୍ରଦୀପ ବୁଜ୍ଜି ଜଣେ ସହରର ସ୍ବେଚ୍ଛାକୃତ ରକ୍ତ ଦାତା ଅଟନ୍ତି। ସହରରେ ବିଭିନ୍ନ ସ୍ଥାନରେ ରକ୍ତ ଦାନ ଶିବିର ହେଲେ ସେ ସ୍ବେଚ୍ଛାକୃତ ଭାବେ ରକ୍ତଦାନ କରିଥାନ୍ତି।ସେହି ଭଳି ନିଜ ଜନ୍ମ ଦିନରେ ମଧ୍ୟ ମୁଖ୍ୟ ଚିକିତ୍ସାଳୟର ରକ୍ତ ଭଣ୍ଡାରକୁ ଯାଇ ରକ୍ତ ଦାନ କରିଛନ୍ତି।
