ବୌଦ୍ଧ,୨୧/୬:- ଅଲଓଡିଶା ଇପିଏଫ ପେନସନ ସଂଘ ବୌଦ୍ଧ ଶାଖା ତରଫରୁ ଆଜି ପ୍ରଧାନମନ୍ତ୍ରୀଙ୍କ ନିକଟକୁ ୩୫୪ ଖଣ୍ଡ ହାତଲେଖା ପୋଷ୍ଟକାର୍ଡ ପ୍ରେରଣ କରାଯାଇଛି । ବିଭିନ୍ନ ଦାବିନେଇ ସଭାପତି ତ୍ରିପୁରାରୀ ବେହେରାଙ୍କ ନେତୃତ୍ୱରେ ବୌଦ୍ଧ ମୁଖ୍ୟ ଡାକଘର ପୋଷ୍ଟ ବକ୍ସରେ ଗଳାଯାଇ ଏହି ପୋଷ୍ଟକାର୍ଡ ସବୁ ପଠାଯାଇଛି । ଉକ୍ତ ପୋଷ୍ଟକାର୍ଡରେ ରହିଥିବା ଦାବିଗୁଡିକ ମଧ୍ୟରେ ମାସିକ ସର୍ବନିମ୍ନ ପେନସନ ୯ ହଜାର ଟଙ୍କାକୁ ବୃଦ୍ଧି କରିବା, ଆୟୁଷ୍ମାନ ଭାରତ ଯୋଜନାରେ ସମସ୍ତ ଇପିଏଫ ୯୫ ପେନସନ ସଭ୍ୟମାନଙ୍କୁ ସାମିଲ କରିବା, ମାନ୍ୟବର କେରଳ ହାଇକୋର୍ଟ ଏଭଂ ଅପେକ୍ସ ହାଇକୋର୍ଟଙ୍କର ସର୍ବନିମ୍ନ ପେନସନ ଦେଇଥିବା ଆଦେଶନାମାକୁ ତୁରନ୍ତ କାର୍ଯ୍ୟକାରୀ କରିବାପାଇଁ ଦୃଢ ଦାବି ହୋଇଛି । ପୋଷ୍ଟକାର୍ଡ ପ୍ରେରଣ ବେଳେ ସଭାପତି ଶ୍ରୀ ବେହେରା, ଉପସଭାପତି କେଶବାନନ୍ଦ ସାହୁ, ରାଧାକାନ୍ତ ଜାନି, ସୁରେନ୍ଦ୍ର ସାହୁ, ଗୋଲାପ ସାହୁ, ବିରଞ୍ଚି କୁମାର ମେହେର, ଜଟେଶ କୁମାର ନାଏକ ଏବଂ ରମେଶ ଚନ୍ଦ୍ର ନାୟକ ପ୍ରମୁଖ ଉପସ୍ଥିତ ଥିଲେ ।
