ଦଶପଲ୍ଲା,୨୧/୬ : – ଆଜି ଦଶପଲ୍ଲାରେ ଆଦର୍ଶ ବିଦ୍ୟାଳୟର ନୂତନ ଗୃହ ଉଦଘାଟିତ ହୋଇଯାଇଛି । ଦଶପଲ୍ଲା-ଗଣିଆଁ ରାସ୍ତାର ଦୁଆର ଗାଁଠାରେ ପ୍ରତିଷ୍ଠିତ ଏହି ଆଦର୍ଶ ବିଦ୍ୟାଳୟକୁ ଆଜିଠାରୁ ପିଲାମାନଙ୍କ ପାଠପଢା ପାଇଁ ଉତ୍ସର୍ଗ କରାଯାଇଛି । ଉଦଘାଟନୀ ଉତ୍ସବରେ ବିଧାୟକ ରମେଶଚନ୍ଦ୍ର ବେହେରା, ଜିଲ୍ଲାପାଳ ଡ.ପୋମା ଟୁଡୁ, ବ୍ଳକ ଅଧ୍ୟକ୍ଷା ସୁନନ୍ଦା ସାହୁଙ୍କ ସମେତ ବହୁ ମାନ୍ୟଗଣ୍ୟ ଅତିଥି ଓ ନିର୍ବାଚିତ ପ୍ରତିନିଧି ଯୋଗଦେଇଥିଲେ । ଆଜିଠାରୁ ବିଧିବଦ୍ଧ ଭାବେ ନୂତନ କୋଠାରେ ପାଠପଢା ଆରମ୍ଭ ହୋଇଥିବାରୁ ଛାତ୍ରଛାତ୍ରୀ ଓ ଅଭିଭାବକ ମାନଙ୍କ ମଧ୍ୟରେ ବେଶ୍ ଉତ୍ସାହ ପରିଲକ୍ଷିତ ହୋଇଛି । ସୂଚନାଯୋଗ୍ୟ ଯେ, ଏଥିପୂର୍ବରୁ ରାଧାମୋହନ ଜୀଉ ନୋଡାଲ ହାଇସ୍କୁଲ ପରିସରରେ ବିଦ୍ୟାଳୟ ଚାଲିଥିବାବେଳେ ତୁରନ୍ତ ନୂତନ ଗୃହରେ ପାଠପଢା ଆରମ୍ଭ କରିବାପାଇଁ ଅଭିଭାବକ ମାନଙ୍କ ପକ୍ଷରୁ ଦାବୀ ହୋଇ ଆସୁଥିଲା ।
